Foto: EADaily

Resey qarulı küşteri Qazaqstan aumağında jaña äue qorğanısı zımıranın sınaqtan ötkizdi.

Aqpan ayınıñ 11-i küni Resey qarulı küşteriniñ baspasöz qızmeti öziniñ YouTube kanalına Qazaqstan aumağındağı Sarışağan sınaq alañında äue qorğanısı zımıranın sınaqtan ötkizu säti beynelengen videorolik jariyaladı. Onda Sarışağan sınaq alañınan wşırılğan zımırannıñ belgilengen nısanağa däl tigendigi körsetilgen. Atalmış videorolik jariyalanğannan keyin, Resey Qorğanıs ministrligine tiesili «Krasnaya zvezda» basılımı Sarışağannan wşırılğan zımırannıñ sätti sınaqtan ötkendigi jöninde aqparat taratqan.

Esteriñizge salayıq, bwğan deyin Resey qarulı küşteri 2017 jıldıñ qırküyek ayında «Batıs-2017» äskeri oqu-jattığu jwmıstarı ayasında Kapustin YAr sınaq alañınan «Eskendir-M» zımıranın wşırğan bolatın. Joğarı qauattı «Eskendir-M» zımıranı 480 şaqırım wşıp Qazaqstan aumağındağı Maqat poligonına kelip qwlağan.

“The Qazaq Times”