Sooronbay Jeenbekovtıñ talabı: Bes million som nemese türme

Qırğızstandıq jurnalist Qabay Qarabekov el prezidenti Sooronbay Jeenbekovke bes million som köleminde moral'dıq şığın ötemese bas bostandığınan ayırıluı mümkin.

Jergilikti BAQ ökilderiniñ mälimetinşe, bügin Bişkek qalasınıñ Sverdlov audandıq sotı Qabay Qarabekovtıñ özine salınğan 5 million som kölemindegi ayıppwldı bölip töleuge baylanıstı arızın qabıldamay tastağan. Oğan Bişkek qalalıq sot orındauşılar bölimşesi «sot şeşimin orındamay, bes million som ötemaqını uaqıtılı tölemegen jağdayda onıñ isin qwqıq qorğau organdarına jiberetinin» mälimdegen. Qabay Qarabaevtıñ sözinşe, onı aldağı bir-eki aptada türmege jabuı mümkin. Sebebi atalmış sommanı tolıqtay töleuge onıñ eşqanday mümkindigi joq.

Esteriñizge salayıq, 2017 jıldıñ küzinde prezident saylauı qarsañında Qırğızstannıñ qazirgi prezidenti Sooronbay Jeenbekov Qabay Qarabekovtı «24.kg» saytında jarıq körgen «Vizit v Soçi. Kremlyu vnov' ob'yasnyat, çem horoş prieemnik?» attı maqalası üşin sotqa bergen bolatın. Keyinnen qazan ayınıñ 5-i küni Bişkek qalasınıñ Sverdlov audandıq sotı Qabay Qarabekov pen «24.kg» saytınıñ redakciyasın kinäli dep tanıp, Sooronbay Jeenbekovtıñ ar-ojdanına nwqsan keltirgeni üşin qos taraptı bes-bes millionnan on million som ötemaqı töleuge mindettegen.

“The Qazaq Times”