Foto: AFP

Liviya jağalauınan aşıq teñizge şıqqan jolauşı qayığı audarılıp, 90 migrant su astında qaldı. Tiri qalğan üş adam jolauşılardıñ negizgi deni Päkistan azamattarı men liviyalıqtar bolğanın aytqan. Liviya Europağa jetudi közdegen migranttar üşin negizgi tranzittik memleket bolıp otır. Ötken jılı Europa elderi Liviyanıñ şekara küzetimen kelisip, olarğa migranttardı wstap, keyin qaytarudı tapsırğan bolatın. Öytkeni Euroodaq memleketteriniñ birqatarı özderine bölingen kvotalarğa säykes,  bosqındardı qabıldaudan bas tartıp otır. Bwl turalı VVS aqparattıq agenttigi jazdı. 

BWW men halıqaralıq wyımdar Liviya şekara küzetiniñ migranttardı toqtatudağı asqan zwlımdığın alğa tartıp, Europa memleketterin qabıldağan şeşimi üşin ayıptağan edi. Degenmen Migraciya jönindegi halıqaralıq wyım migranttar qayığınıñ teñizde audarılu oqiğası soñğı kezde jii orın alğanın aytadı.

Qayıqta bolğan toqsan adamnıñ tegi men wltı äli anıqtalğan joq. Biraq oqiğa kuägerleriniñ aytuınşa, qayıqtağılardıñ basım böligi - päkistandıq azamattar. Migraciya jönindegi halıqaralıq wyımnıñ mälimdemesinde: "Europağa bağıt alğan migranttardıñ sanı jöninen Päkistan ötken jılı 13-şi orında bolsa, biıl alğaşqı üştikte twr" delingen.

 “The Qazaq Times”