Foto: EPA

Franciyanıñ porttıq qalası Kalede auğandıqtar men eritreyalıqtar arasında orın alğan jappay töbeles kezinde keminde bes migrantqa oq tiip, jaralanğan. AFP aqparattıq agenttigi 16-18 jastağı tört eritreyalıq azamattıñ auır halde auruhanağa jetkizilgenin habarladı. Tağı on üş adam temir sırıqtardan jaralanğanı belgili boldı. Bwl turalı VVS aqparattıq agenttigi jazdı. 

Oqiğanıñ qanday sebepten örbigeni äli belgisiz. Eki wlt ökilderiniñ arasındağı qaqtığıs migranttardıñ tamaq aluğa wzın-soñar kezekte twrğan kezinde, tüski uaqıtta bastalğan. Eki sağatqa sozılğan töbeles auğan azamatınıñ oq atuınan bastalğan degen aqparat bar. Teketireske 200 eritreyalıq pen 30 auğan azamatı qatısqan. Köp wzamay temir sırıqtarmen qarulanğan Eritreya migranttarı qoldarına tayaq alğan auğan jastarımen öndiris aymağında kezdesip, qoyan-qoltıq töbeles bastalğan.

Franciyanıñ İşki ister ministri Jerard Kolomb Kalege arnayı kelip, qaqtığıstıñ alañdauşılıq tudıratın mäsele ekenin atap ötti. Resmi biliktiñ aytuınşa, Kale qalasında 550-600 migrant bar. Al ükimettik emes qayırımdılıq wyımdarı olardıñ sanı 800-ge juıq dep körsetedi. Afrika men Auğanstannan kelgen migranttardıñ közdegen nısanı - Wlıbritaniya. Migranttardıñ basım böligi - jastar.

 “The Qazaq Times”