QHR törağası jäne prem'er-ministri. Foto: Reuters.

Qıtaydıñ eñ joğarı Wlttıq kongresiniñ twraqtı komiteti bir kün bwrın mälimdeme jasap, XIII kezekti Halıqtıq s'ezdiñ 5 naurızda, eldiñ ortalıq qalası Beyjiñde ötetindigin mälimdedi. Bwl turalı «People» basılımı habarlaydı.

Habarlamağa säykes, Qıtay Halıqtıq qwrıltayınıñ sessiyasınıñ mindeti –dästür boyınşa, ükimettiñ jwmıs esebin qarau; Aldıñğı jılğa arnalğan wlttıq ekonomikalıq jäne äleumettik damu josparınıñ orındaluın qadağalau;  Damudıñ jaña jılğa arnalğan josparınıñ jobasın qarastıradı; Bıltırı jıldıñ ortalıq jäne jergilikti byudjetteriniñ orındaluın tekseredi jäne bwl byudjetterdiñ jaña jıldağı bölisine baqılau alıp baradı.

Bwdan sırt Qıtaydıñ kezekti Halıqtıq s'ezinde ükimettiñ qwramı jañaradı dep kütilude. Memlekettik qwzırlı organdardıñ basşıları auısadı, qazirgi kezdegi ükimettiñ qwramı jañartıladı.

Esteriñizde bolsa, bıltır qazan ayında, Qıtay Kommunistik partiyasınıñ qwrıltayı ötip, QHR törağası Şi Jinpiñ men ükimet basşısı Li Kıçyañ öz orının saqtap qaldı. Al jaña tağayındalğandar Qıtay Ortalıq ükimet keñsesiniñ direktorı Li Janşu, prem'er-ministriniñ orınbasarı Uañ YAñ, QHR Ortalıq sayasi zertteu mekemesiniñ direktorlığına Uañ Huniñ, Ortalıq part-gruppa böliminiñ meñgeruşiligine Jau Yueji jäne Şañhay qalası partiya komitetiniñ birinşi hatşılığına Han Jıñ qatarlı adamdar tağayındalğan.

Naurızdıñ bas şeninde ötetin Halıqtıq qwrıltayda Ortalıq ükimettegi jäne mañızdı qalalar men provinciyalardağı basşılıq qwrılımdar jañartıluı mümkin dep kütilip otır. Aytalıq, şekaralas jatqan Şınjañ provinciyasınıñ da birinşi hatşısı auısıp, onıñ az sandı wlttarğa jasalıp jatqan quğın-sürgin sayasatı toqtatıluı da mümkin. Degenmen, onı kesip aytuğa tım erte.

“The Qazaq Times”