Äleumettik orındarda qatañ baqılau ornatıldı. Foto: AFP.

Qıtay biligi 18 adamnıñ janın jalmağan qauipti virustı taratpaudıñ şaraların qoldanıp bağuda. Soñğı mälimetterde koronavirustı 600-den astam adam jwqtırğan. Sonday-aq, virus Qıtaydıñ Qazaqstanmen şekaralas Şınjañ jerine de jetti jäne AQŞ, Tayland, Oñtüstik Koreya, V'etnam, Saud Arabiya elderine deyin jetti.

Qauipti virustıñ oşağı bolğan Hubey provinciyasında eki qalada ayrıqşa tärtip ornatıldı. YAğni, qala twrğındarı basqa aymaqtarğa şığarılmaydı, basqa aymaqtardan eşkim kirgizilmeydi. Uhan qalası bwdan eki kün bwrın karantin jağdayına ötken. Biraq, ekspertter bwl şaralardıñ nätijesinen kümändanıp otır.

Keşegi mälimetterden, Qazaqstanğa şekaralas Şınjañ jerinen qauipti virusqa şaldıqqan eki adam anıqtalğan. Bwl ekeui de Uhan qalasınan Şınjañğa qaytıp kelgen. Virus jwqtırğandardıñ biri student bolsa, endi biri jwmısker.

Qauipti virustıñ taraluın toqtatu üşin jasalıp jatqan şaralar qatarında arnayı maskalar da bar. Degenmen, qıtaylıq äleumettik jelilerde qaza bolğandar men infekciyağa şaldıqqandar sanı ükimettiñ resmi mälimetinen älde qayda köp degen pikirler de kezdesedi.

“The Qazaq Times”