ناۋرىزدا قىتايدىڭ ۇكىمەت قۇرامى جاڭارۋى مۇمكىن

قىتايدىڭ ەڭ جوعارى ۇلتتىق كونگرەسىنىڭ تۇراقتى كوميتەتى ءبىر كۇن بۇرىن مالىمدەمە جاساپ، XIII كەزەكتى حالىقتىق سەزدىڭ 5 ناۋرىزدا، ەلدىڭ ورتالىق قالاسى بەيجىڭدە وتەتىندىگىن مالىمدەدى. بۇل تۋرالى «People» باسىلىمى حابارلايدى.

حابارلاماعا سايكەس، قىتاي حالىقتىق قۇرىلتايىنىڭ سەسسياسىنىڭ مىندەتى ء–داستۇر بويىنشا، ۇكىمەتتىڭ جۇمىس ەسەبىن قاراۋ; الدىڭعى جىلعا ارنالعان ۇلتتىق ەكونوميكالىق جانە الەۋمەتتىك دامۋ جوسپارىنىڭ ورىندالۋىن قاداعالاۋ;  دامۋدىڭ جاڭا جىلعا ارنالعان جوسپارىنىڭ جوباسىن قاراستىرادى; بىلتىرى جىلدىڭ ورتالىق جانە جەرگىلىكتى بيۋدجەتتەرىنىڭ ورىندالۋىن تەكسەرەدى جانە بۇل بيۋدجەتتەردىڭ جاڭا جىلداعى بولىسىنە باقىلاۋ الىپ بارادى.

بۇدان سىرت قىتايدىڭ كەزەكتى حالىقتىق سەزىندە ۇكىمەتتىڭ قۇرامى جاڭارادى دەپ كۇتىلۋدە. مەملەكەتتىك قۇزىرلى ورگانداردىڭ باسشىلارى اۋىسادى، قازىرگى كەزدەگى ۇكىمەتتىڭ قۇرامى جاڭارتىلادى.

ەستەرىڭىزدە بولسا، بىلتىر قازان ايىندا، قىتاي كوممۋنيستىك پارتياسىنىڭ قۇرىلتايى ءوتىپ, قحر توراعاسى شي جينپيڭ مەن ۇكىمەت باسشىسى لي كىچياڭ ءوز ورىنىن ساقتاپ قالدى. ال جاڭا تاعايىندالعاندار قىتاي ورتالىق ۇكىمەت كەڭسەسىنىڭ ديرەكتورى لي جانشۋ، پرەمەر-ءمينيسترىنىڭ ورىنباسارى ۋاڭ ياڭ، قحر ورتالىق ساياسي زەرتتەۋ مەكەمەسىنىڭ ديرەكتورلىعىنا ۋاڭ حۋنيڭ، ورتالىق پارت-گرۋپپا ءبولىمىنىڭ مەڭگەرۋشىلىگىنە جاۋ يۋەجي جانە شاڭحاي قالاسى پارتيا كوميتەتىنىڭ ءبىرىنشى حاتشىلىعىنا حان جىڭ قاتارلى ادامدار تاعايىندالعان.

ناۋرىزدىڭ باس شەنىندە وتەتىن حالىقتىق قۇرىلتايدا ورتالىق ۇكىمەتتەگى جانە ماڭىزدى قالالار مەن پروۆينتسيالارداعى باسشىلىق قۇرىلىمدار جاڭارتىلۋى مۇمكىن دەپ كۇتىلىپ وتىر. ايتالىق، شەكارالاس جاتقان شىنجاڭ پروۆينتسياسىنىڭ دا ءبىرىنشى حاتشىسى اۋىسىپ، ونىڭ از ساندى ۇلتتارعا جاسالىپ جاتقان قۋعىن-سۇرگىن ساياساتى توقتاتىلۋى دا مۇمكىن. دەگەنمەن، ونى كەسىپ ايتۋعا تىم ەرتە.

“The Qazaq Times”