Qazaqstan 2018-2022 jıldarı dini ekstremizm jäne terrorizmmen küresu üşin 286 mlrd 981,6 mln teñge jwmsaudı josparlap otır. 

Qazaqstannıñ Wlttıq qauipsizdik komiteti dini ekstremizm men terrorizmge qarsı Qazaqstannıñ 2018-2022 jılğa arnalğan memlekettik bağdarlamasın dayındadı. İs-şara josparı "Aşıq normativtik qwqıqtıq aktiler" portalında jariyalanğan jäne 2018 jıldıñ 6 aqpanına deyin talqılauda boladı.

"2018-2022 jıldarğa arnalğan bağdarlamanı jüzege asıru üşin  respublikalıq, jergilikti byudjet qarjısı jäne Qazaqstan Respublikasında zañdı türde tıyım salınbağan qarajat jwmsaladı. Bağdarlamanı jüzege asıruda byudjetten ketetin şığın 286 mlrd 981,6 mln teñgeni qwraydı (respublikalıq byudjet şığını - 226 mlrd 294 mln teñge, jergilikti byudjet şığını - 60 mlrd 687 mln teñge). Bwdan bölek, respublikalıq jäne jergilikti byudjetten qarjılandıru osı kezeñderde naqtılanğan byudjet esebine säykes boladı", - delingen qwjatta.

Bağdarlama ayasında radikaldı ideologiyağa qarsı jağdaydı qalıptastıru jäne sottalğandardı deradikaldandıru, internetke, äleumettik jelilerge, bwqaralıq aqparat qwraldarına monitoring jürgizu, türli döñgelek üstelder, seminarlar, zertteuler jürgizu josparlanğan.

Sonday-aq, qarjı azamattarğa dini qatınastar turalı keñes beretin "114" birıñğay respublikalıq jelisiniñ jwmıs isteuin qamtamasız etuge jwmsalmaq.

“The Qazaq Times”