Foto: CBS

AQŞ-tıñ Kentukki ştatındağı joğarğı mektepterdiñ birine 15 jastağı jigit oq jaudırıp, nätijesinde 2 oquşı qaza tauıp, 17 adam jaralandı. Qılmısker oqiğa ornında wstalğan. Kentukki äkimşiliginiñ habarlauınşa, Marshall County joğarğı mektebinde bolğan qayğılı oqiğanıñ qwrbandarınıñ jası  qılmıskermen şamalas bolğan. Qoldan jasalğan qarudan oq atqan jasöspirimniñ mwnday iske nege barğanı belgisiz. Bwl turalı VVS aqparattıq agenttigi jazdı.

Jergilikti policiya qızmetkerleriniñ aytuınşa, oqiğa tañerteñ sabaq bastalardan bwrın bolğan. Qılmısker mektep aldında jinalğan adamdarğa qaray oq jaudırğannan keyin 15 minuttan soñ policiyanıñ qolına tüsken.

Jaraqat alğan oquşılar jergilikti medicina ortalığında em qabıldap jatır. Bwl - AQŞ mektepterinde soñğı künderi orın alğan ekinşi qandı oqiğa. Osı düysenbide Tehas ştatındağı tağı bir bilim ordasında 16 jastağı oquşı öziniñ sınıptasına qarsı qaru siltegen bolatın. Degenmen oqqa wşqan qız tiri qaldı.

“The Qazaq Times”