Photo: Forbes.kz

U.S. News & World Report  jurnalınıñ esebi boyınşa eñ üzdik elder reytinginde Qazaqstan 70 orınğa jayğastı. Ötken jılmen salıstırğanda eldiñ deñgeyi bir satığa joğarılağan.

Reyting boyınşa birinşi orında ädettegidey Şveycariya twr. Odan keyingi orındarğa Kanada, Germaniya jayğasqan. Törtinşi, besinşi, altınşı orında Wlıbritaniya, Japoniya jäne Şveciya twr. Jetinşi orında Australiya, al segizinşi orındı AQŞ iemdenip, alğaşqı ondıqtı Franciya men Niderlandı ayaqtağan.

Sarapşılar Qazaqstannıñ innovaciyalıq deñgeyi men älemdik arenadağı ıqpalın joğarı bağalağan. Sonday-aq, eldiñ älemdegi eñ iri uran öndiruşi memleket ekeni jäne kögildir otın men mineraldardıñ, metaldardıñ ülken qorı bar ekeni nazardan tıs qalmağan.  Qazaqstannıñ älsiz jaqtarı retinde  turizm, halıq ömiriniñ sapası jäne biznes jürgizudegi aşıqtıq atalğan. Bwdan bölek sarapşılar Qazaqstannıñ tarihi mwrasın 76-şı orınğa qoyğan.

Jalpı eñ üzdik memleket reytinginde 80 memlekettiñ atı atalğan. Reytingti qwru kezinde ekonomikanıñ ösu qarqını, innovaciya, biznestegi aşıqtıq, äleumettik sala, halıqtıñ ömir süru deñgeyi, mädeniet, turizm jäne tarihi mwra sındı toğız kriteriy esepke alınğan.

“The Qazaq Times”