Foto: sputnikipogrom.com

Älemdegi baqıttı elderdiñ reytinginde (World happiness report 2017) Qazaqstan 155 eldiñ işinde 60 orınğa ie boldı. Bwl turalı Sputnik aqparat agenttigi habarlap otır.

Reyting är eldiñ jan basına şaqqandağı Jalpı işki önimine, memleket tarapınan bolatın äleumettik kömekke, densaulıq saqtau deñgeyine, saylau erkindigine jäne qayırılımdıq isine, sonday-aq, jemqorlıq deñgeyine baylanıstı qwrılğan.

Reytingti anıqtauğa qatıstı zertteu jwmıstarı 2014-2016 jıldar aralığında jürgizilgen.

Qazaqstannıñ aldında 59 orında Türkimenstan eli twr. Bwdan bölek, körşi-seriktes elder arasında Özbekstan 47 orınğa, Resey 49 orınğa ie bolıp, Qazaqstannıñ aldına şıqtı. Al Qazaqstannan keyin twrğan elder: Belarus' (67), Äzerbayjan (85), Qırğızstan (98), Armeniya (121), Ukraina (132).

Al eñ baqıttı elder reytinginiñ köşin skandinaviyalıq Norvegiya, Daniya, Islandiya eli bastap twr. Odan soñ Şveycariya, Finlyandiya jäne Niderlandı (6) tizimdi jalğaydı.

Eñ baqıtsız elder retinde Tanzaniya (153), Burundi (154) jäne Ortalıq Afrika Respublikası (155) tanıldı.

 

“The Qazaq Times”