Photo: Forbes.kz

U.S. News & World Report  جۋرنالىنىڭ ەسەبى بويىنشا ەڭ ۇزدىك ەلدەر رەيتينگىندە قازاقستان 70 ورىنعا جايعاستى. وتكەن جىلمەن سالىستىرعاندا ەلدىڭ دەڭگەيى ءبىر ساتىعا جوعارىلاعان.

رەيتينگ بويىنشا ءبىرىنشى ورىندا ادەتتەگىدەي شۆەيتساريا تۇر. ودان كەيىنگى ورىندارعا كانادا، گەرمانيا جايعاسقان. ءتورتىنشى، بەسىنشى، التىنشى ورىندا ۇلىبريتانيا، جاپونيا جانە شۆەتسيا تۇر. جەتىنشى ورىندا اۋستراليا، ال سەگىزىنشى ورىندى اقش يەمدەنىپ، العاشقى وندىقتى فرانتسيا مەن نيدەرلاندى اياقتاعان.

ساراپشىلار قازاقستاننىڭ يننوۆاتسيالىق دەڭگەيى مەن الەمدىك ارەناداعى ىقپالىن جوعارى باعالاعان. سونداي-اق، ەلدىڭ الەمدەگى ەڭ ءىرى ۋران ءوندىرۋشى مەملەكەت ەكەنى جانە كوگىلدىر وتىن مەن مينەرالداردىڭ، مەتالداردىڭ ۇلكەن قورى بار ەكەنى نازاردان تىس قالماعان.  قازاقستاننىڭ ءالسىز جاقتارى رەتىندە  تۋريزم، حالىق ءومىرىنىڭ ساپاسى جانە بيزنەس جۇرگىزۋدەگى اشىقتىق اتالعان. بۇدان بولەك ساراپشىلار قازاقستاننىڭ تاريحي مۇراسىن 76-شى ورىنعا قويعان.

جالپى ەڭ ۇزدىك مەملەكەت رەيتينگىندە 80 مەملەكەتتىڭ اتى اتالعان. رەيتينگتى قۇرۋ كەزىندە ەكونوميكانىڭ ءوسۋ قارقىنى، يننوۆاتسيا، بيزنەستەگى اشىقتىق، الەۋمەتتىك سالا، حالىقتىڭ ءومىر ءسۇرۋ دەڭگەيى، مادەنيەت، تۋريزم جانە تاريحي مۇرا سىندى توعىز كريتەري ەسەپكە الىنعان.

“The Qazaq Times”