Ündistan şekaraşıları. Foto: Şinlañ.

Ündistan aqparat qwraldarınıñ habarına qarağanda, sol jerdiñ jergilikti uaqıtımen 17 qañtar küni keşke jaqın, Kaşmirde Ündistan men Päkistannıñ şekara jasaqtarı arasında qaqtığıs bolğan. Kezektesken qarulı şabuıldar 18 qañtardıñ tañına deyin jalğasqan, eki jaqtan da adam ölimi bolğan. Bwl turalı «Şinlañ» aqparattıq saytı habarladı.

«Ündi ekspress» basılımı bwl oqiğa turalı habarlağanda «Üşinşi dünie soğısı» dep ataptı. Keşki sağat 21:00 şamasında bastalğan wrıs birneşe sağatqa deyin swrapıl jalğasıp, 18 qañtardıñ tañına deyin tolastamağan. Ündistan aqparat qwraldarınıñ körsetuinşe, Päkistan qarulı küşteri Ündistan baqılauındağı birneşe auıldardı basıp alğan, keyin ündi qarulı küşteri artilleriyalıq soqqı jasağan. Qaqtığıs kezinde Ündistannıñ şekara küşteri joğarı qolbasşılarınıñ biri qaza tapqan.

Al, Päkistan BAQ ökilderiniñ qarulı küşterge silteme jasay otırıp habarlauına qarağanda,  Ündistan jaqtıñ artilleriyalıq şabuılınan Päkistan tarabınan 3 äyeldi qamtığan 5 jazıqsız twrğın qaza bolğan. Qaqtığıstan soñ Kaşmirdegi mektepter sabaq toqtatqan. Biraq auqımdı evakuaciyalau äreketi bolmağan.

Osıdan birneşe kün bwrın da, yağni 15 qañtarda eki el şekaraşıları arasında wrıs bolğan edi. Mälimetterge qarağanda 7 adam qaza tauıp, 4 adam jaraqat alğan. Alayda, Päkistan qorğanıs tarauları mälimetinde sol retki qaqtığısta Päkistan jaq basımdıqtı ielegen delingen. Ündistannıñ qarulı tobına soqqı bergenderin aytıp, qaqtığısta Päkistan jaqtan 4 adam, Ündistan äskerlerinen 3 adam qaza tapqanın, odan özge jaralanğandar da bar ekenin habarlağan.

Kezekti qaqtığıs eki el arsındağı soñğı birneşe jıldağı eñ küşti qarulı wrıs boldı.

“The Qazaq Times”