Qıstıñ qızıqtı bäsekesi

Bükilälemdik qısqı Universiada oyındarınıñ Alatau baurayında aşıluı  biz üşin ülken quanış. Bwl ret 28 bükilälemdik «Universiada – 2017» dodasın qoldau, sonday-aq bwqaralıq sporttı damıtıp, salauattı ömir saltın saqtau maqsatında, Alaköl audanı Intalı auılında şañğı sportınan jarıs ötti.

Jarıstı wyımdastıruşılar: «Almatı oblısınıñ jastar resurstıq ortalığı» KMM-niñ filialı – «Alaköl audanı jastar resurstıq ortalığı», «Jas Otan» JQ filialı, Audandıq dene şınıqtıru jäne sport bölimi men bilim bölimi jäne Intalı okrugi.

Alaköl audanı äkiminiñ orınbasarı Abdinov Almas Saparğaliwlı

Atalmış şaranıñ aşıluına Alaköl audanı äkiminiñ orınbasarı Abdinov Almas Saparğaliwlı qatısıp, öziniñ elge, jerge degen jürekjardı lebizi men bügingi  dodağa degen ıstıq ıqılasın bildirdi, qatısuşılarğa senim arttı.

Saydıñ tasınday sportşılar

Qıstıñ suığı men joldıñ tayğaq äri alıstığına qaramay, ärbir öñirden jinalğan sport süyer wl-qızdar öz baqtarın sınadı. Jüzge juıq sportşı bes kezeñ boyınşa jüldeli orındardı sarapqa saldı. Birinşi bölim, 14-17 jas aralığında şañğıdan jekeley sayıs, ekinşi bölim, 18-29 jas aralığında şañğıdan jekeley sayıs, üşinşi bölim, 30 jastan joğarı eresekter arsında şañğıdan jekeley sayıs, törtinşi bölim estafetalıq sayıs jäne besinşi bölim köpşilik sporttıq oyındardan ötti.

Aşılu saltanatı, ärine Änwranmen bastaldı

Birinşi bölim qorıtındısı boyınşa wldar arasında 3000 metr qaşıqtıqtan jüldeli İ orın lepsilik Nwrısbekov Ernarğa, İİ orın Qwmarbek Elamanğa jäne İİİ orın qabanbaylıq Skrıpnikov Dmitriyge bwyırdı. Qızdar arasında 1500 metr qaşıqtıq boyınşa İ orındı Rakişeva Ayşa, İİ orındı Serikova Viktoriya, İİİ orındı Orazbaeva Nazira jeñip aldı.

Äppaq dala, ädil bäseke, alda ayqastı jol

Ekinşi bölim qorıtındısı boyınşa wldar arasında 3000 metr qaşıqtıqtan jüldeli İ orın Nağimoldaev Nurbol, İİ orın Qonaev Aybek, İİİ-orın Manarbek Erjan, qızdar arasında 1500 metr qaşıqtıqta İ orındı lepsilik Şaripova Asiya, İİ orın janamalıq Oyratova Wlbosın, İİİ orındı Üşaraldıq Bekbaeva Möldir ielendi.

Arular arasındağı jeñimpaz

Üşinşi bölim qorıtındısı boyınşa wldar arasında 3000 metr qaşıqtıqtan jüldeli İ orın Azimhanova Jandos, İİ orın Insenov Jantas jäne İİİ orın Jaymağat Jomart ielendi.
Törtinşi bölim estafetalıq sayıs qorıtındısı boyınşa jüldeli İ-orındı «Lepsi» komandası ielense, İİ orındı «Talapker» komandası ielense İİİ-orındı «Mıñbay» komandası qanjığalarına bayladı.

Nağız tartıs - Arqan tartısta boldı

Besinşi bölimniñ qol küres sayısında İ-orın Qwmarbek Isayıl, İİ orın Toqtaşev Bağjan, İİİ orın Kim Ravil' ielendi, 24 kg salmaqtı gir tasın köteru sayısı boyınşa İ orın Qonaev Aybek, İİ orın Qabdoldaev Aybek, İİİ orın Qabdoldaev Erlen jeñip alsa, 16 kg salmaqtı gir tasın köteruden İ orın Qwmarbekov Isayıl, İİ orın Toqtaşev Bağjan, İİİ orın Ahmediyarov Bekbolat ielendi, arqan tartıs sayısı boyınşa İ orın «Jaypaq 1» komandası, İİ orın «Jaypaq» komandası jäne İİİ orındı «Eñbekşi» komandası ielendi. Qatısuşılar qorıtındığa säykes alğıs hat, bağalı sıylıqtarmen marapattaldı.

Kirdiñ tasın ğana emes, namıstı da birge kötergen sät

Taza auada sport bäsekesin tamaşalağan körermen men bayraqtı bäsekede bağı janğan  sportşılarımızdıñ köñil küyleri köteriñki. Ärine, bizge keregi densaulıq, bizge keregi osınday bereke-birlik. «Bir jağadan bas, bir jeñnen qol şığarıp» jaqsılığımızdı asırıp, mereyimizdi tasıtu. Igi bastamalardı qoldap-quattau edi. Aldağı bäsekelerde asığımız alşasınan tüsip, altın men alğıstan alqa tağınayıq.

Bwl bäsekede, halıqtıñ küşi, berekesi jeñdi

Nüsipqan Qadırswltan, Alaköl audanı

“The Qazaq Times”