قىستىڭ قىزىقتى باسەكەسى

بۇكىلالەمدىك قىسقى ۋنيۆەرسيادا ويىندارىنىڭ الاتاۋ باۋرايىندا اشىلۋى  ءبىز ءۇشىن ۇلكەن قۋانىش. بۇل رەت 28 بۇكىلالەمدىك «ۋنيۆەرسيادا – 2017» دوداسىن قولداۋ، سونداي-اق بۇقارالىق سپورتتى دامىتىپ، سالاۋاتتى ءومىر سالتىن ساقتاۋ ماقساتىندا، الاكول اۋدانى ىنتالى اۋىلىندا شاڭعى سپورتىنان جارىس ءوتتى.

جارىستى ۇيىمداستىرۋشىلار: «الماتى وبلىسىنىڭ جاستار رەسۋرستىق ورتالىعى» كمم-ءنىڭ فيليالى – «الاكول اۋدانى جاستار رەسۋرستىق ورتالىعى»، «جاس وتان» جق فيليالى، اۋداندىق دەنە شىنىقتىرۋ جانە سپورت ءبولىمى مەن ءبىلىم ءبولىمى جانە ىنتالى وكرۋگى.

الاكول اۋدانى اكىمىنىڭ ورىنباسارى ابدينوۆ الماس ساپارعاليۇلى

اتالمىش شارانىڭ اشىلۋىنا الاكول اۋدانى اكىمىنىڭ ورىنباسارى ابدينوۆ الماس ساپارعاليۇلى قاتىسىپ، ءوزىنىڭ ەلگە، جەرگە دەگەن جۇرەكجاردى لەبىزى مەن بۇگىنگى  دوداعا دەگەن ىستىق ىقىلاسىن ءبىلدىردى، قاتىسۋشىلارعا سەنىم ارتتى.

سايدىڭ تاسىنداي سپورتشىلار

قىستىڭ سۋىعى مەن جولدىڭ تايعاق ءارى الىستىعىنا قاراماي، ءاربىر وڭىردەن جينالعان سپورت سۇيەر ۇل-قىزدار ءوز باقتارىن سىنادى. جۇزگە جۋىق سپورتشى بەس كەزەڭ بويىنشا جۇلدەلى ورىنداردى ساراپقا سالدى. ءبىرىنشى ءبولىم، 14-17 جاس ارالىعىندا شاڭعىدان جەكەلەي سايىس، ەكىنشى ءبولىم، 18-29 جاس ارالىعىندا شاڭعىدان جەكەلەي سايىس، ءۇشىنشى ءبولىم، 30 جاستان جوعارى ەرەسەكتەر ارسىندا شاڭعىدان جەكەلەي سايىس، ءتورتىنشى ءبولىم ەستافەتالىق سايىس جانە بەسىنشى ءبولىم كوپشىلىك سپورتتىق ويىنداردان ءوتتى.

اشىلۋ سالتاناتى، ارينە انۇرانمەن باستالدى

ءبىرىنشى ءبولىم قورىتىندىسى بويىنشا ۇلدار اراسىندا 3000 مەتر قاشىقتىقتان جۇلدەلى ءى ورىن لەپسىلىك نۇرىسبەكوۆ ەرنارعا، ءىى ورىن قۇماربەك ەلامانعا جانە ءىىى ورىن قابانبايلىق سكرىپنيكوۆ دميتريگە بۇيىردى. قىزدار اراسىندا 1500 مەتر قاشىقتىق بويىنشا ءى ورىندى راكيشەۆا ايشا، ءىى ورىندى سەريكوۆا ۆيكتوريا، ءىىى ورىندى ورازباەۆا نازيرا جەڭىپ الدى.

اپپاق دالا، ءادىل باسەكە، الدا ايقاستى جول

ەكىنشى ءبولىم قورىتىندىسى بويىنشا ۇلدار اراسىندا 3000 مەتر قاشىقتىقتان جۇلدەلى ءى ورىن ناعيمولداەۆ نۋربول، ءىى ورىن قوناەۆ ايبەك، ءىىى-ورىن ماناربەك ەرجان، قىزدار اراسىندا 1500 مەتر قاشىقتىقتا ءى ورىندى لەپسىلىك شاريپوۆا اسيا، ءىى ورىن جانامالىق ويراتوۆا ۇلبوسىن، ءىىى ورىندى ۇشارالدىق بەكباەۆا ءمولدىر يەلەندى.

ارۋلار اراسىنداعى جەڭىمپاز

ءۇشىنشى ءبولىم قورىتىندىسى بويىنشا ۇلدار اراسىندا 3000 مەتر قاشىقتىقتان جۇلدەلى ءى ورىن ازيمحانوۆا جاندوس، ءىى ورىن ينسەنوۆ جانتاس جانە ءىىى ورىن جايماعات جومارت يەلەندى.
ءتورتىنشى ءبولىم ەستافەتالىق سايىس قورىتىندىسى بويىنشا جۇلدەلى ءى-ورىندى «لەپسى» كومانداسى يەلەنسە، ءىى ورىندى «تالاپكەر» كومانداسى يەلەنسە ءىىى-ورىندى «مىڭباي» كومانداسى قانجىعالارىنا بايلادى.

ناعىز تارتىس - ارقان تارتىستا بولدى

بەسىنشى ءبولىمنىڭ قول كۇرەس سايىسىندا ءى-ورىن قۇماربەك يسايىل، ءىى ورىن توقتاشەۆ باعجان، ءىىى ورىن كيم راۆيل يەلەندى، 24 كگ سالماقتى گىر تاسىن كوتەرۋ سايىسى بويىنشا ءى ورىن قوناەۆ ايبەك، ءىى ورىن قابدولداەۆ ايبەك، ءىىى ورىن قابدولداەۆ ەرلەن جەڭىپ السا، 16 كگ سالماقتى گىر تاسىن كوتەرۋدەن ءى ورىن قۇماربەكوۆ يسايىل، ءىى ورىن توقتاشەۆ باعجان، ءىىى ورىن احمەدياروۆ بەكبولات يەلەندى، ارقان تارتىس سايىسى بويىنشا ءى ورىن «جايپاق 1» كومانداسى، ءىى ورىن «جايپاق» كومانداسى جانە ءىىى ورىندى «ەڭبەكشى» كومانداسى يەلەندى. قاتىسۋشىلار قورىتىندىعا سايكەس العىس حات، باعالى سىيلىقتارمەن ماراپاتتالدى.

كىردىڭ تاسىن عانا ەمەس، نامىستى دا بىرگە كوتەرگەن ءسات

تازا اۋادا سپورت باسەكەسىن تاماشالاعان كورەرمەن مەن بايراقتى باسەكەدە باعى جانعان  سپورتشىلارىمىزدىڭ كوڭىل كۇيلەرى كوتەرىڭكى. ارينە، بىزگە كەرەگى دەنساۋلىق، بىزگە كەرەگى وسىنداي بەرەكە-بىرلىك. «ءبىر جاعادان باس، ءبىر جەڭنەن قول شىعارىپ» جاقسىلىعىمىزدى اسىرىپ، مەرەيىمىزدى تاسىتۋ. يگى باستامالاردى قولداپ-قۋاتتاۋ ەدى. الداعى باسەكەلەردە اسىعىمىز الشاسىنان ءتۇسىپ، التىن مەن العىستان القا تاعىنايىق.

بۇل باسەكەدە، حالىقتىڭ كۇشى، بەرەكەسى جەڭدى

نۇسىپقان قادىرسۇلتان، الاكول اۋدانى

“The Qazaq Times”