2018 jılı Almatınıñ Industrialdı aymağında (AIA) 12 jaña öndiris iske qosıladı. Jobalar maşina jasau, qwrılıs industriyası, farmacevtika, tamaq jäne himiya önerkäsibiniñ salalarına jatadı, dep habarlaydı Almatı qalası äkimdiginiñ baspasöz qızmeti.

Osılayşa, qalada skotç, toñazıtılğan qamır, kabel' önimderiniñ, medicinalıq maqsattağı önimderdiñ, polimerlik bwyımdardıñ jäne tağı basqa önimderdiñ öndirisi bastaladı. Bwdan basqa, önerkäsip aymağınıñ aumağında kökönis ösiru boyınşa jılıjay keşeniniñ, sonday-aq tabiği tastı öñdeu boyınşa zauıtınıñ qwrılısı ayaqtaladı.

Mısalı, «GROUP NAK 8» JŞS toñazıtılğan qamır şığaratın almatılıq öndiruşisi äri qaray nan, bölke, kişkentay bälişter, maffinder, peçen'e sındı 60 türli atauın şığaratın boladı. Zauıt täuligine 2 mıñ kg toñazıtılğan önim öndiredi dep josparlanıp otır. Käsiporınnıñ jartılay dayın önimderdi qalanıñ kafelerine, meyramhanalarına jäne qonaqüylerine taratu nieti bar.

Bwdan basqa, «Älmerek» JŞS farmacevtikalıq kompaniyası şını tütikter, qalaqşalar, ginekologiyalıq aynalar jäne t.b. medicinalıq maqsattağı bwyımdardı öndiretin boladı. AIA aumağında zauıttıñ qwrılısın salu käsiporınğa öndiristik alañın 3 esege keñeytuge mümkindik beredi.

«Almatınıñ Industrialdı aymağı» JŞS direktorı Ädil Börlibaevtıñ sözinşe, industrialdı aymaqtağı zauıttıñ qwrılısın almatılıq käsipkerlerden basqa, şeteldik investorlar da jürgizude.

Spiker atap ötkendey, rezidentter dayın infraqwrılımımen jer telimin alu mümkindiginiñ nätijesinde, Almatınıñ Industrialdı aymağın öte tiimdi wsınıs dep qabıldap otır. Rezident jer telimin 3 jılğa deyin jalğa ala aladı, onı jekemenşikke satıp ala aladı jäne jer telimin zattay grant retinde, yağni tegin de ala aladı.

“The Qazaq Times”