QR Energetika ministri Qanat Bozımbaev. Foto: energo.gov.kz

QR energetika ministri Qanat Bozımbaev qazaqstandıq delegaciyamen 13-14 qañtarda Abu-Dabi qalasında (BAÄ) jañartılatın energiya közderi (JEK) jönindegi halıqaralıq agenttiktiñ(IRENA - International Renewable Energy Agency) VIII sessiyasına qatıstıdep habarlaydı ministrliktiñ baspasöz qızmeti. 

Q.Bozımbaev plenarlıq otırısta  Qazaqstan älemdegi jetekşi kömirsutegi öndiruşileriniñ birinen «jasıl» ekonomika modeline köşu üderisinde ekenin atap ötti.

«Elde jañartılatın energetika sektorın damıtudı josparlau maqsatında Qazaqstan Respublikasınıñ energetikalıq balansında 2020 jılğa qaray ağımdağı 1% -dan 3% -ğa deyin, 2030 jılı 10% -ğa, al 2050 jılı 50% deyin arttırudı közdeytin Qazaqstan Respublikasınıñ «jasıl ekonomikağa» köşu jönindegi twjırımdaması maqwldandı» - dedi Q.Bozımbaev.

Ministrdiñ sözine qarağanda, 2009 jılı qabıldanğan jañartılatın energiya közderin qoldau tetikteri JEK narığın josparlı türde iske qosuğa mümkindik berdi jäne jalpı quatı 335,7 MVt bolatın 55 jobanı jüzege asırdı.

«Biılğı jıldan bastap jalpı quattılığı 1 GVt quattılıqtağı birinşi JEK aukciondarın ötkizudi josparlap otırmız. Osı mümkindikti paydalanıp, investorlarğa, qorlarğa jäne qarjı instituttarına Qazaqstandağı jañartılatın energiya aukciondarına qatısuğa şaqıramın. Öz tarapımnan, Qazaqstan Respublikası Energetika ministrligi aukcion jeñimpazdarın irikteu üşin möldir, beytarap proceduranı qamtamasız etetinine jäne jeñimpazdarğa PPA kelisimşartın jasasu kezeñinde de, jobanı iske asırudıñ barlıq kezeñderinde de, jan-jaqtı qoldau körsetetin boladı» - dedi ministr.

IRENA Assambleyasınıñ 8-şi sessiyasında ADFD/IRENA jobaların qarjılandırudıñ VI ciklına qatısu mümkindigi talqılandı.

“The Qazaq Times”