قر ەنەرگەتيكا ءمينيسترى قانات بوزىمباەۆ. فوتو: energo.gov.kz

قر ەنەرگەتيكا ءمينيسترى قانات بوزىمباەۆ قازاقستاندىق دەلەگاتسيامەن 13-14 قاڭتاردا ابۋ-دابي قالاسىندا ء(باا) جاڭارتىلاتىن ەنەرگيا كوزدەرى (جەك) جونىندەگى حالىقارالىق اگەنتتىكتىڭ(IRENA - International Renewable Energy Agency) VIII سەسسياسىنا قاتىستىدەپ حابارلايدى مينيسترلىكتىڭ ءباسپاسوز قىزمەتى. 

ق.بوزىمباەۆ پلەنارلىق وتىرىستا  قازاقستان الەمدەگى جەتەكشى كومىرسۋتەگى وندىرۋشىلەرىنىڭ بىرىنەن «جاسىل» ەكونوميكا مودەلىنە كوشۋ ۇدەرىسىندە ەكەنىن اتاپ ءوتتى.

«ەلدە جاڭارتىلاتىن ەنەرگەتيكا سەكتورىن دامىتۋدى جوسپارلاۋ ماقساتىندا قازاقستان رەسپۋبليكاسىنىڭ ەنەرگەتيكالىق بالانسىندا 2020 جىلعا قاراي اعىمداعى 1% -دان 3% -عا دەيىن، 2030 جىلى 10% -عا، ال 2050 جىلى 50% دەيىن ارتتىرۋدى كوزدەيتىن قازاقستان رەسپۋبليكاسىنىڭ «جاسىل ەكونوميكاعا» كوشۋ جونىندەگى تۇجىرىمداماسى ماقۇلداندى» - دەدى ق.بوزىمباەۆ.

ءمينيستردىڭ سوزىنە قاراعاندا، 2009 جىلى قابىلدانعان جاڭارتىلاتىن ەنەرگيا كوزدەرىن قولداۋ تەتىكتەرى جەك نارىعىن جوسپارلى تۇردە ىسكە قوسۋعا مۇمكىندىك بەردى جانە جالپى قۋاتى 335,7 مۆت بولاتىن 55 جوبانى جۇزەگە اسىردى.

«بيىلعى جىلدان باستاپ جالپى قۋاتتىلىعى 1 گۆت قۋاتتىلىقتاعى ءبىرىنشى جەك اۋكتسيوندارىن وتكىزۋدى جوسپارلاپ وتىرمىز. وسى مۇمكىندىكتى پايدالانىپ، ينۆەستورلارعا، قورلارعا جانە قارجى ينستيتۋتتارىنا قازاقستانداعى جاڭارتىلاتىن ەنەرگيا اۋكتسيوندارىنا قاتىسۋعا شاقىرامىن. ءوز تاراپىمنان، قازاقستان رەسپۋبليكاسى ەنەرگەتيكا مينيسترلىگى اۋكتسيون جەڭىمپازدارىن ىرىكتەۋ ءۇشىن ءمولدىر، بەيتاراپ پروتسەدۋرانى قامتاماسىز ەتەتىنىنە جانە جەڭىمپازدارعا PPA كەلىسىمشارتىن جاساسۋ كەزەڭىندە دە، جوبانى ىسكە اسىرۋدىڭ بارلىق كەزەڭدەرىندە دە، جان-جاقتى قولداۋ كورسەتەتىن بولادى» - دەدى مينيستر.

IRENA اسسامبلەياسىنىڭ 8-ءشى سەسسياسىندا ADFD/IRENA جوبالارىن قارجىلاندىرۋدىڭ VI تسيكلىنا قاتىسۋ مۇمكىندىگى تالقىلاندى.

“The Qazaq Times”