Foto: ca-news.org

Täjikstannıñ arnayı qızmeti 2017 jılı 1,7 tonna esirtkki tärkilegen. Bwl turalı sol eldiñ wlttıq qauipsizdik jönindegi memlekettik komitetiniñ (WQMK) ökili Mwhammad Ulughodjaev mälimdegen. 

Tarağan aqparatqa qarağanda 27,3 kg geroin, 455,6 kg apiın, 865,7 kg gaşiş, 386,8 kg qarasora jäne 4,9 kg metamfetamin tärkilengen. Bwl körsetkiş 2016 jılmen salıstırğanda (907 kg ) 1,5 esege artıq bolıp otır.

"2017 jılı şekara äskerleri bölimşeleri basqa da küzet mekemelerimen birlesip 74 arnayı operaciya jürgizdi. Onıñ işinde Wlttıq qauipsizdik komitetimen birlesip 46 jäne basqa da qwqıq qorğau jäne qauipsizdik küşterimen birigip 18 operaciya ötkizildi", - deydi Ulughodjaev.

Onıñ sözinşe, 2017 jılı 31 qarulı qaqtığıs kezinde kontrandamen aynalısqan jäne şekara tärtibin bwzğan 18 adamnıñ közi joyılğan. WQMK äskeri qızmetkerleri men basqa da qauipsizdik küşteriniñ kömegimen 20 qwqıq bwzuşı wstalğan. Sputnik-Täjikstan aqparat agenttiginiñ mälimetinşe, 2016 jılğı qarulı qaqtığıs körsetkşi de, közi joyılğandar men wstalğan adamdar sanı da az bolğan.

“The Qazaq Times”