Bügin Nwrswltan Nazarbaev kezekti joldauına qatıstı qısqaşa mälimdeme jasadı. Onıñ biılğı mälimdemesi bas-ayağı altı minutqa sozıldı. Nazarbaev joldauınıñ tolıq nwsqası erteñ memlekettik BAQ betterinde jariyalanadı. Ol osımen qatarınan ekinşi jıl Qazaqstan halqına arnalğan joldauın jazbaşa türde jasauda.

"Qımbattı otandastar! Qazaqstan älemdegi türli sınaqtarğa tötep berip, qarqındı ekonomikalıq damu jolına bet aldı. Elimizdiñ 2050-şi jılğa deyingi wzaq merzimdi Damu strategiyası jüzege asırıluda. Jüz naqtı qadam Wlt josparı ayasında biz reformalardı jürgizip kelemiz. Industriyalandıru salasın örkendetu üşin jüyeli jwmıstar atqarıluda. Biz konstituciyalıq reformanı jüzege asırıp, elimizdiñ Üşinşi jañğıruın bastadıq. Ruhani jañğıru bağıtı boyınşa keşendi is-şaralar jürgizilude. "Cifrlıq Qazaqstan" bağdarlaması qabıldandı.

Biz jüzege asıruğa tiis  10 negizgi mindet bar. Men olarğa qısqaşa toqtalğım keledi.

Birinşi. Qazaqstan industriyası jaña tehnologiyalar engizudiñ köşbasşısı boluı tiis. Bizdiñ önerkäsipte cifrlandıru men zamanaui biznes-model'derdi damıtu arqılı eñbek önimdiliginiñ deñgeyin arttıru qajet.

Ekinşi. Resurstardı paydalanudıñ tiimdiligin jaqsartu qajet. Aqparattıq-tehnologiyalıq şeşimderdi engizu qajet. Bwl öndiriletin önim ülesin artıruğa, öñdeuge, sonday-aq energiya tiimdiligi men ekologiyalıq taza önim aluğa mümkindik beredi.

Üşinşi. Agroönerkäsip keşenin jaña tehnologiyalıq deñgeyge köteru kerek. Bwl auıl şaruaşılığında eñbek önimdiligi men öñdelgen önim eksportın tübegeyli arttıruğa tiis.

Törtinşi. Transport pen logistikalıq infraqwrılımdı odan arı damıta beru. Cifrlıq tehnologiyalardı engizu men Intellektualdı transport jüyesin qwru jük tasımaldau merzimderin qısqartuğa jäne tranzitten tüsetin tabıstardı eseleuge mümkindik beredi.

Besinşi. Qwrılıs jäne twrğın üy kommunaldıq şaruaşılıqqa zamanaui tehnologiyalardı paydalanu. Jaña qwrılıs ädisteri ğimarattardıñ energetikalıq tiimdiligi, intellektualdı infraqwrılımdı basqaru jüyeleri qazaqstandıqtardıñ ömir sapasın jaqsartadı.

Altınşı. Qarjı sektorın qayta qwru. Bank jüyesin sauıqtıru jwmısı tolıq baqılau arqılı jüzege asuı tiis jäne qarapayım azamattardıñ müddesi eskerilu kerek. Tez arada bank jüyesine ielik etetin jäne onı basqaratındardıñ jauapkerşiligin arttıru. Sonday-aq,  kreditteudi wlğaytıp, qor narığın damıtudı qamtamasız etu qajet.

Jetinşi. Adam kapitalınıñ sapası. Bilim beru jüyesiniñ barlıq deñgeyleri qazirgi ekonomika talaptarına say boluı tiis. Sonday-aq, mwğalim mamandığınıñ bedelin arttıru kerek. Densaulıq saqtauda jaña tehnologiyalardı paydalanu aurulardı emdeudi jaqsartıp, medicinalıq kömektiñ sapasın arttıru qajet. 2016-2017 jıldarı äleumettik tölemder üş ese arttı. Onıñ işinde bazalıq zeynetaqı - 29 payızğa, birlesken zeynetaqı - 32 payızğa, medicina qızmetkerleriniñ jalaqısı 28 payızğa deyin, bilim beru salasında 29 payızğa deyin, memlekettik qızmetkerlerdiki 30 payızğa deyin östi. Bwl tendenciya jalğasadı.

Segizinşi: Bwl memleketti tiimdi basqaru. Sandı tehnologiyalar biznes qızmetin retteudi jalğastıruğa, memlekettik qızmet pen memlekettik qoldau sapasın jaqsartuğa, azamattardıñ qajettilikterin tolığımen eskeruge mümkindik beredi. Öñirlerdiñ jäne özin-özi basqaruşı jergilikti  orındarınıñ ekonomikalıq täuelsizdigi artadı.

Toğızınşı: Zañ üstemdigi jäne sıbaylas jemqorlıqqa qarsı küres memlekettik sayasattıñ basım bağıttarı bolıp qala beredi.

Onınşı: "Smart siti" tehnologiyasın engizu damuşı qalalardıñ problemaların tiimdi şeşuge jäne investorlardıñ tartımdılığın arttıruğa mümkindik beredi.

Büginde biz bärimiz osı on mäseleni şeşuge tırısuımız kerek. Joldaudıñ tolıq mätininde bwlar tolıq bayandalğan.

Qwrmetti qazaqstandıqtar! Atalğan mindetterdi orındau üşin bükil qoğamnıñ birligi men ıntımağı kerek. Ol üşin Ükimet pen äkimder keñinen tüsindiru jwmıstarın jürgizui qajet. Otanımızdıñ körkeyui ärkimniñ jaña "cifrlıq däuir" talaptarına say boluına baylanıstı. Osını ärbir qazaqstandıq tereñ tüsinui kerek. Qazaqstannıñ jarqın bolaşağı jolında barlıq maqsattarğa qol jetkizetinimizge kämil senemin!", - dedi Prezident respulikalıq telearnalar arqılı jasağan mälimdemesinde.

“The Qazaq Times”