Oñtüstik Koreyanıñ Birlestik ministri  Soltüstik Koreya ükimeti 9 qañtar küni Fanmınjoñda ötetin kezdesu wsınısın qabıldağanın mälimdedi. resmi aqparat közderiniñ taratqan habarına qarağanda qarağanda, kezdesu kezinde soltüstik pen oñtüstiktiñ qarım-qatınasın jaqsartudıñ praktikalıq mäseleleri talqılanbaq. Ol üşin eki jaq Oñtüstik Koreyada ötetin Qısqı olimpiada oyındarı turalı mäselelerdi talqılaudı qolğa almaq. Bwl turalı «Şinlañ» aqparattıq saytı habarladı.

Alda bolatın kezdesu otırısı sol eki elge ğana emes, öñirdiñ qauipsizdigi men älemniñ tınıştığı üşin de asa mañızdı. Ol jäne Oñtüstik Koreyanıñ prezident tağına Mün Jayn kelgennen bergi alğaş ret eki korey ükimetiniñ kezdesu otırısı. Eki jaqtıñ resmi twlğaları 2015 jıldıñ jeltoqsan ayınan beri resmi kezdesu ötkizip körmegen.

Jaña jıl qarsañında Soltüstik, Oñtüstik Koreya arasındağı qatınasta ülken özgeris bolıp, Soltüstik Koreyanıñ qabağı jadıray tüsti. Bwl Oñtüstik Koreyanıñ alda bolatın Qısqı olimpiada oyındarına Soltüstik Koreyanı wsınıs etuimen bastalğan oñdı ürdis boldı. 3 qañtar küni Soltüstik Koreya jaq eki el ortasındağı tikeley jalğanatın qoñıraular jelisin qayta qosıp, eki el arasındağı diplomatiyalıq isterde oñdı qadamdı bastı.

Al, 9 qañtarğa josparlanğan kezdesu, Korey tübeginiñ aldağı bolaşağı üşin de, eki eldiñ arasındağı diplomatiyalıq qatınastardıñ damuı üşin de asa mañızdı. Seuldiñ mälimetteriniñ birinde: «Soltüstik jaq äzirge yadrolıq bağdarlamalar turalı söylesu jöninde niet tanıtpadı. Solay bola twrsa da bwl KHDR-men kelissöz jürgizudegi ülken jetistik», – delingen.

“The Qazaq Times”