Bana Alabed. Foto: AFP

Cüriyalıq jeti jastağı büldirşin Bana Alabed AQŞ-tıñ jaña saylanğan prezidenti Donald Trampqa aşıq hat jazdı dep habarlaydı BBC-diñ qırğız qızmeti.

Bana bwğan deyin qorşauda twrğan Aleppodan “Twitter” arqılı körgen-bilgenderin jazıp, köpşilikke tanımal bolıp qalğan.

Ol Trampqa jazğan hatında: "Siz süriyalıq balalar üşin birdeme isteuiñiz kerek. Öytkeni olar da sizdiñ balalarıñız siyaqtı beybit ömir süruge  layıqtı" dep jazğan.

Bana qazir Türkiyada twrıp jatır. Ol öz otbasımen Alepponıñ şığısınan beybit twrğındardı evakuaciyalau kezinde ketken.

Ol, ötken jıldıñ qırküyek ayında Başar Asadtıñ armiyası Reseydiñ qoldauımen qalanıñ şığıs böligine şabuıl jasağan kezden “Twitter”-ge jaza bastağan. Bolıp jatqan uaqiğalardı ağılşın tilinde jazıp twrğan. “Twitter”-degi akkauntına kömektesip jürgen apayı Fatima, Bananıñ Donald Trampqa jazğan hatın BBC-ge jibergen.

Fatimanıñ aytuınşa, Bana hattı AQŞ prezidentiniñ inaugraciyasınan birneşe kün bwrın jazğan. Apayı Bananıñ AQŞ prezidentin teledidardan köp körgennen keyin osınday şeşimge kelgenin ayttı.

Bananıñ prezident Donald Trampqa jazğan hatı

Qwrmetti Donald Tramp!

Meniñ atım Bana Alabed. Men Aleppo qalasınan bolamın. Jasım jetide. Men ötken jıldıñ jeltoqsan ayında qorşauda twrğan Aleppodan ketkenge deyin,Süriyada ömir sürgem. Men Süriyadağı soğıstan jäbir körgen balalardıñ birimin. Äzir Türkiyada beybit ömir sürip jatırmın. Aleppoda mektepke baratınmın. Mektepti bombalap tastadı. Meniñ dostarım köz jwmıdı. Eger olar menimen birge bolsa, oynaytın edik. Men Aleppoda oynay alğan joqpın, öytkeni ol ajaldıñ qalası boldı. Qazir Türkiyada köşege şığa alamın. Mektepke baruıma da bolatını anıq.

Beybitşilik bärimiz üşin mañızdı, siz üşin de. Biraq, milliondağan süriyalıq balalar qazir men sekildi ömir süre almaydı. Süriyanıñ är tükpirinde azap şegip jatır. Sizdiñ Amerika prezidenti bolğanıñızdı bilemin. Süriyalıq balalarmen elin qwtqarıp qalıñızşı.  Siz süriyalıq balalar üşin osını isteuiñiz kerek. Öytkeni olar da sizdiñ balalarıñız siyaqtı beybit ömir süruge  layıqtı. Eger, siz Süriyadağı balalar üşin osını isteymin dep uäde berseñiz, men sizdiñ jaña dosıñız bolamın. Süriyadağı balalarğa sözsiz köñil böledi dep ümittenemin.

Bana osığan deyin qorşauda qalğan Aleppodan “Twitter”-ge körgen bilgenderin jazıp köpşilikke tanımal bolğan. Foto: TWITTER/ALABEDBANA, caption

Bana men otbası qazir twraqtap twrğan Türkiya süriyalıq oppoziciyanı qoldaydı. Al, prezident Tramptıñ Süriya soğısı boyınşa poziciyası äzirge belgisiz.

"The Qazaq Times"