Foto: kapital.kz

Qazaqstanda avtokölikterdi memlekettik tirkeu erejeleri tübegeyli özgerdi. Bwl turalı Memlekettik qızmet isteri jäne sıbaylas jemqorlıqqa qarsı is-qimıl agenttiginiñ feysbuktegi paraqşasında habarlandı.

Agenttiktiñ mälimetinşe, azamattar avtokölikti esepten şığaru kezinde jaña esepke alatın avtokölikke öziniñ bwrınğı memlekettik nömirlerin ornatuda memlekettik bajdı 2,8 AEK köleminde, onıñ işinde arnayı HQKO jäne İİM tirkeu-emtihan bölimşelerinde saqtauda twrğan nömirler üşin de tölegen.

Osılayşa, bir jılda orta eseppen memlekettik tirkeu nömiri belgilerin saqtauğa 11 mıñğa juıq azamat ötiniş beredi eken jäne bwl olardı qayta ornatu üşin 63 mln teñgeden astam somağa memlekettik baj tölegenmen teñ bolğan.

Vedomstvo taratqan habarlamağa qarağanda, endi avtokölik ieleri tarapınan qosımşa şığıstar bolmauı maqsatında, sonımen qatar jaña Salıq kodeksine säykes, memlekettik nömirdiñ 1 danasın 6 734 teñge ornına 3 367 teñgege dayındauğa ötiniş beru mümkindigi wsınıladı.

"30 jwmıs künine deyin memlekettik nömirlerdi qayta ornatu kezinde memlekettik bajdardı (AEK köleminiñ jıl sayınğı ösuin eskergende 2018 jıldan bastap 6 734 teñge köleminde) töleu qajettigin alıp tastau maqsatında, Agenttik wsınımdarınıñ negizinde Salıq kodeksine özgertuler men tolıqtırular engizildi. Jaña ereje osı jıldan bastap jüzege asa bastadı", - delingen habarlamada.

Al bwdan bwrın memlekettik nömirdiñ 1 danası joğalğan nemese jaramsız bolğan kezde azamattarğa onıñ dublikatı (2 danası) üşin mindetti türde memlekettik baj töleuge nemese avtomaşinanı qayta tirkeuge tura kelgen. Mısalı, bir jılda orta eseppen memlekettik tirkeu nömiri belgileriniñ dublikatın dayındauğa 1,9 mıñğa juıq azamat 11 mln tengeden astam sommağa ötiniş beredi eken.

“The Qazaq Times”