Foto: Reuters

Düniejüzilik Densaulıq saqtau wyımınıñ ötinişi boyınşa, Wlıbritaniyanıñ därigerleri men medbikelerinen jasaqtalğan top Rohindja mwsılmandarına şwğıl medicinalıq kömek körsetuge baradı. Qırıq därigerden twratın alğaşqı qwram  Bangladeştegi Koks Bazar aumağında ornalasqan bosqındar lagerine attandı. Qazir onda M'yanmadağı qaqtığıstan keyin ömirin saqtap qalu maqsatında Bangladeşke kelgen 600 mıñ mwsılman twradı. Bwl turalı VVS aqparattıq agenttigi jazdı. 

Wlıbritaniya därigerleriniñ difteriya dertine qarsı küresi 6 aptağa sozıladı. Soñğı derekter boyınşa, indettiñ kesirinen 27 adam qaza tauıp ülgergen. Al kün sayın auruğa şaldıqqan 160 jaña nauqas tirkeledi.

Medecins Sans Frontieres qayırımdılıq wyımınıñ habarlauınşa, olardıñ jergilikti aumaqta jwmıs isteytin medicinalıq kömek ortalıqtarında 2 mıñğa juıq adamda indet belgileri bayqalğan. Olardıñ basım köpşiligi - 5-14 jas aralığındağı balalar. Aurudıñ beleñ aluına sanitarlıq talaptardı saqtau mümkindiginiñ bolmauı, ekpe jürgizilmeui men bosqındar lagerindegi taza auız su tapşılığı sebep bolıp otır.

“The Qazaq Times”