«Atameken» QR WKP Basqarma Törağasınıñ orınbasarı Quanış Bişimov. Foto: kapital.kz

Monopolist kompnaniya jergilikti qamtuğa nemqwraylı qarağan.

21 jeltoqsan küni «Atameken» WKP alañında alpauıt kompaniya mäselesi qaraldı. «Alageum Electric» AQ öndiretin 40MVA 110/35/10-10 kV  transformatorların «Qwrıq» port keşenine qoldanu mäselesine arnaldı. «Alageum Electric» AQ «Atamekenge» ötinim tüsirgen bolatın, onda otandıq kompaniya «Qazaqstan Temir jolı» AQ otandıq transformatorldı emes, Äzerbayjan kompaniyası wsınğan tauardı satıp alğanın bayandağan bolatın.

İs-şarağa  «Atameken» QR WKP Basqarma Törağasınıñ orınbasarı Quanış Bişimov, «Qazaqstan temir jolı» WK» AQ «İri jobalardı iske asıru direkciyası» filialı direktorınıñ orınbasarı Nwrjan Esbatır,  sonımen qatar «NADLoC jergilikti qamtudı damıtu  wlttıq agenttigi» AQ, «Mañğıstau elektr jelisin taratu kompaniyası» AQ ökilderi qatıstı.

«Alageum Electric» AQ öz narığın qorğauda dwrıs qadam jasap otır. Bwl mäsele jıl basının bastau alıp keledi. Atalğan joba «Nwrlı jol» bağdaralaması ayasında jüzege asıp otır. Demek, qarjı memlekettik – bwl bizdiñ tauar öndiruşilerimizdiñ tölegen salığı osı qarjığa biz osı rekonstrukciyanı iske asırmaqpız. Büginde   Alageum Electric keşenge qajetti barlıq transformatorlardı jasauğa qauqarlı. Alayda «Mañğıstau elektr jelisin taratu kompaniyası» AQ jobanı maqwldauda keşenge şeteldik önimdi qoldanudı wsınğan. Al Elbası da wlttıq önimdi qoldau jayında aytıp keledi. Memlekettik sayaasat jergilikti qamtudı qoldaydı. Al mına jobada şeteldik önim tañdalğan», – dedi Quanış Bişimov.

«Mañğıstau elektr jelisin taratu kompaniyası» AQ-tıñ tehnikalıq jiın hattamasına qaramastan bas jobalauşı «Qarağandı Promstroyproekt inistiutı» JŞS üşin bwl negizgi nwsqau bolğan. Al tapsırıs beruşi  «Qazaqstan temir jolı» WK» AQ «Mañğıstau elektr jelisin taratu kompaniyası» AQ talaptarın eskeruge mindetti, öytkeni jobanı uaqıtında ayaqtau kerek.

«Mında «Mañğıstau elektr jelisin taratu kompaniyası» AQ» monopolist retinde däl Äzerbayjan önimin belgilep otır. Bizde QR Wlttıq ekonomika ministrliginiñ 2015 jılğı 19 naurızdağı № 229 bwyrığımen bekitilgen Tapsırıs beruşiniñ (äzirleuşiniñ) qızmetin wyımdastıru jäne funkciyaların jüzege asıru erejesi) Erejesi bar, Onda Wlttıq palata qatısuımen: memlekettik qarjığa iske asıp jatqan jobalarda otandıq öndiruşilerge basımdıq berilip otır»,– dedi WKP Basqarma Törağasınıñ orınbasarı.

Bügingi tañda jobanı iske asıruşı qoslaqı merdiger kompniya «MK-Energo» JŞS aqparat berui boyınşa äzerbayjandıq ATEFGROUP transformatorları 90%-ğa dayın äri 2018 jıldıñ qañtarında elge jetkiziledi.

«NADLoC jergilikti qamtudı damıtu  wlttıq agenttigi» AQ Basqarma Törağasınıñ orınbasarı Dmitriy Usov jobanıñ memlekettik saraptamağa deyin iske asuı zañ twrğısınan kümän tudıradı.

Al «Memsaraptama» RMK bas direktorı orınbasarı Nikolay Tihonyuk jobalardı qarastırğanda otandıq öndiruşilerdiñ jobağa qatısuı mindetti türde qarastırılatının ayttı. Bwl jobada atalğan talap orındalmağanı körinip twr.

«Tüptep kelgende, barlığı qazaqstandıq boluı kerek. Zañ jobaları men bwyrıqtardağı özgertuler olardı orındau üşin jasaladı», – dedi Quanış Bişimov.

Jiın qorıtındısı boyınşa Wlttıq palata atınan «Mañğıstau elektr jelisin taratu kompaniyası» AQ jwmısın bağalau maqsatında uäkiletti organdarğa tiisti ötinimder jiberiledi.

Mañğıstau oblısı äkimdigi janındağı Jergilikti qamtudı baqılau komissiyasına atalğan jobağa qatıstı baqılaudı küşeytu wsınıldı.

“The Qazaq Times”