قۋانىش بيشيموۆ: زاڭ جوبالارى مەن بۇيرىقتارداعى وزگەرتۋلەر ولاردى ورىنداۋ ءۇشىن جاسالادى

مونوپوليست كومپنانيا جەرگىلىكتى قامتۋعا نەمقۇرايلى قاراعان.

21 جەلتوقسان كۇنى «اتامەكەن» ۇكپ الاڭىندا الپاۋىت كومپانيا ماسەلەسى قارالدى. «Alageum Electric» اق وندىرەتىن 40مۆا 110/35/10-10 كۆ  ترانسفورماتورلارىن «قۇرىق» پورت كەشەنىنە قولدانۋ ماسەلەسىنە ارنالدى. «Alageum Electric» اق «اتامەكەنگە» ءوتىنىم تۇسىرگەن بولاتىن، وندا وتاندىق كومپانيا «قازاقستان تەمىر جولى» اق وتاندىق ترانسفورماتورلدى ەمەس، ازەربايجان كومپانياسى ۇسىنعان تاۋاردى ساتىپ العانىن بايانداعان بولاتىن.

ءىس-شاراعا  «اتامەكەن» قر ۇكپ باسقارما توراعاسىنىڭ ورىنباسارى قۋانىش بيشيموۆ، «قازاقستان تەمىر جولى» ۇك» اق «ءىرى جوبالاردى ىسكە اسىرۋ ديرەكتسياسى» فيليالى ديرەكتورىنىڭ ورىنباسارى نۇرجان ەسباتىر،  سونىمەن قاتار «NADLوC جەرگىلىكتى قامتۋدى دامىتۋ  ۇلتتىق اگەنتتىگى» اق، «ماڭعىستاۋ ەلەكتر جەلىسىن تاراتۋ كومپانياسى» اق وكىلدەرى قاتىستى.

«Alageum Electric» اق ءوز نارىعىن قورعاۋدا دۇرىس قادام جاساپ وتىر. بۇل ماسەلە جىل باسىنىن باستاۋ الىپ كەلەدى. اتالعان جوبا «نۇرلى جول» باعدارالاماسى اياسىندا جۇزەگە اسىپ وتىر. دەمەك، قارجى مەملەكەتتىك – بۇل ءبىزدىڭ تاۋار وندىرۋشىلەرىمىزدىڭ تولەگەن سالىعى وسى قارجىعا ءبىز وسى رەكونسترۋكتسيانى ىسكە اسىرماقپىز. بۇگىندە   Alageum Electric كەشەنگە قاجەتتى بارلىق ترانسفورماتورلاردى جاساۋعا قاۋقارلى. الايدا «ماڭعىستاۋ ەلەكتر جەلىسىن تاراتۋ كومپانياسى» اق جوبانى ماقۇلداۋدا كەشەنگە شەتەلدىك ءونىمدى قولدانۋدى ۇسىنعان. ال ەلباسى دا ۇلتتىق ءونىمدى قولداۋ جايىندا ايتىپ كەلەدى. مەملەكەتتىك سايااسات جەرگىلىكتى قامتۋدى قولدايدى. ال مىنا جوبادا شەتەلدىك ءونىم تاڭدالعان»، – دەدى قۋانىش بيشيموۆ.

«ماڭعىستاۋ ەلەكتر جەلىسىن تاراتۋ كومپانياسى» اق-تىڭ تەحنيكالىق جيىن حاتتاماسىنا قاراماستان باس جوبالاۋشى «قاراعاندى پرومسترويپروەكت ينيستيۋتى» جشس ءۇشىن بۇل نەگىزگى نۇسقاۋ بولعان. ال تاپسىرىس بەرۋشى  «قازاقستان تەمىر جولى» ۇك» اق «ماڭعىستاۋ ەلەكتر جەلىسىن تاراتۋ كومپانياسى» اق تالاپتارىن ەسكەرۋگە مىندەتتى، ويتكەنى جوبانى ۋاقىتىندا اياقتاۋ كەرەك.

«مىندا «ماڭعىستاۋ ەلەكتر جەلىسىن تاراتۋ كومپانياسى» اق» مونوپوليست رەتىندە ءدال ازەربايجان ءونىمىن بەلگىلەپ وتىر. بىزدە قر ۇلتتىق ەكونوميكا مينيسترلىگىنىڭ 2015 جىلعى 19 ناۋرىزداعى № 229 بۇيرىعىمەن بەكىتىلگەن تاپسىرىس بەرۋشىنىڭ (ازىرلەۋشىنىڭ) قىزمەتىن ۇيىمداستىرۋ جانە فۋنكتسيالارىن جۇزەگە اسىرۋ ەرەجەسى) ەرەجەسى بار، وندا ۇلتتىق پالاتا قاتىسۋىمەن: مەملەكەتتىك قارجىعا ىسكە اسىپ جاتقان جوبالاردا وتاندىق وندىرۋشىلەرگە باسىمدىق بەرىلىپ وتىر»،– دەدى ۇكپ باسقارما توراعاسىنىڭ ورىنباسارى.

بۇگىنگى تاڭدا جوبانى ىسكە اسىرۋشى قوسلاقى مەردىگەر كومپنيا «مك-ەنەرگو» جشس اقپارات بەرۋى بويىنشا ازەربايجاندىق ATEFGROUP ترانسفورماتورلارى 90%-عا دايىن ءارى 2018 جىلدىڭ قاڭتارىندا ەلگە جەتكىزىلەدى.

«NADLوC جەرگىلىكتى قامتۋدى دامىتۋ  ۇلتتىق اگەنتتىگى» اق باسقارما توراعاسىنىڭ ورىنباسارى دميتري ۋسوۆ جوبانىڭ مەملەكەتتىك ساراپتاماعا دەيىن ىسكە اسۋى زاڭ تۇرعىسىنان كۇمان تۋدىرادى.

ال «مەمساراپتاما» رمك باس ديرەكتورى ورىنباسارى نيكولاي تيحونيۋك جوبالاردى قاراستىرعاندا وتاندىق وندىرۋشىلەردىڭ جوباعا قاتىسۋى مىندەتتى تۇردە قاراستىرىلاتىنىن ايتتى. بۇل جوبادا اتالعان تالاپ ورىندالماعانى كورىنىپ تۇر.

«تۇپتەپ كەلگەندە، بارلىعى قازاقستاندىق بولۋى كەرەك. زاڭ جوبالارى مەن بۇيرىقتارداعى وزگەرتۋلەر ولاردى ورىنداۋ ءۇشىن جاسالادى»، – دەدى قۋانىش بيشيموۆ.

جيىن قورىتىندىسى بويىنشا ۇلتتىق پالاتا اتىنان «ماڭعىستاۋ ەلەكتر جەلىسىن تاراتۋ كومپانياسى» اق جۇمىسىن باعالاۋ ماقساتىندا ۋاكىلەتتى ورگاندارعا ءتيىستى وتىنىمدەر جىبەرىلەدى.

ماڭعىستاۋ وبلىسى اكىمدىگى جانىنداعى جەرگىلىكتى قامتۋدى باقىلاۋ كوميسسياسىنا اتالعان جوباعا قاتىستى باقىلاۋدى كۇشەيتۋ ۇسىنىلدى.

“The Qazaq Times”