Foto: Yvision.kz
Europalıq odaq qazaqstandıqtar üşin viza rejimin jeñildetui mümkin. Bwl turalı QR Sırtqı ister ministri Qayrat Abdrahmanov mälimdedi.Mäjilis otırısınıñ kuluarında ministr Europağa wşu qazaqstandıqtar üşin jeñildey tüsetinin mälimdedi.

"Bügin Europalıq odaqtan jaqsı jañalıq aytıldı. EO jaqın arada Qazaqstan azamattarı üşin viza tärtibin jeñildetudi qarastıruğa kirisedi. Biz sırtqı sayasi vedomstvo retinde arı qaray jwmısımızdı jalğastıra beremiz", - dedi Abdrahmanov.

Sonday-aq, ol "Qazaqstan Tayland jäne Makao sındı eldermen viza rejimin alıp tastau boyınşa kelissözder jürgizip jatqanın" atap ötti.

Öz kezeginde Parlament mäjilisi halıqaralıq qatınastar, qorğanıs jäne qauipsizdik komitetiniñniñ törağası Mäulen Äşimbaev bwl şeşim Qazaqstan üşin köpten kütken jäne mañızdı is ekenin atap ötti.

"Azamattardıñ europalıq elderge baruı jeñil boluı üşin Qazaqstan soñğı jıldarı barlığına qol jetkizip keledi. Qazir şeşimniñ qabıldanbağanı tüsinikti. Biraq EO bwl swraqtı mwqiyat qarauğa dayın ekenderin bildirdi. Meniñşe, mäseleni qarau turalı şeşimniñ özi alğa jasalğan ülken qadam. Bizdiñ diplomattar azamattarımızdıñ Europalıq odaqqa jeñildetilgen viza tärtibimen barıp kelui üşin belsendi jwmıs isteydi dep ümittenemin", - dedi deputat.

“The Qazaq Times”