فوتو: Yvision.kz
ەۋروپالىق وداق قازاقستاندىقتار ءۇشىن ۆيزا رەجيمىن جەڭىلدەتۋى مۇمكىن. بۇل تۋرالى قر سىرتقى ىستەر ءمينيسترى قايرات ابدراحمانوۆ مالىمدەدى.ءماجىلىس وتىرىسىنىڭ كۋلۋارىندا مينيستر ەۋروپاعا ۇشۋ قازاقستاندىقتار ءۇشىن جەڭىلدەي تۇسەتىنىن مالىمدەدى.

"بۇگىن ەۋروپالىق وداقتان جاقسى جاڭالىق ايتىلدى. ەو جاقىن ارادا قازاقستان ازاماتتارى ءۇشىن ۆيزا ءتارتىبىن جەڭىلدەتۋدى قاراستىرۋعا كىرىسەدى. ءبىز سىرتقى ساياسي ۆەدومستۆو رەتىندە ارى قاراي جۇمىسىمىزدى جالعاستىرا بەرەمىز", - دەدى ابدراحمانوۆ.

سونداي-اق، ول "قازاقستان تايلاند جانە ماكاو سىندى ەلدەرمەن ۆيزا رەجيمىن الىپ تاستاۋ بويىنشا كەلىسسوزدەر جۇرگىزىپ جاتقانىن" اتاپ ءوتتى.

ءوز كەزەگىندە پارلامەنت ءماجىلىسى حالىقارالىق قاتىناستار، قورعانىس جانە قاۋىپسىزدىك كوميتەتىنىڭنىڭ توراعاسى ماۋلەن اشىمباەۆ بۇل شەشىم قازاقستان ءۇشىن كوپتەن كۇتكەن جانە ماڭىزدى ءىس ەكەنىن اتاپ ءوتتى.

"ازاماتتاردىڭ ەۋروپالىق ەلدەرگە بارۋى جەڭىل بولۋى ءۇشىن قازاقستان سوڭعى جىلدارى بارلىعىنا قول جەتكىزىپ كەلەدى. قازىر شەشىمنىڭ قابىلدانباعانى تۇسىنىكتى. بىراق ەو بۇل سۇراقتى مۇقيات قاراۋعا دايىن ەكەندەرىن ءبىلدىردى. مەنىڭشە، ماسەلەنى قاراۋ تۋرالى شەشىمنىڭ ءوزى العا جاسالعان ۇلكەن قادام. ءبىزدىڭ ديپلوماتتار ازاماتتارىمىزدىڭ ەۋروپالىق وداققا جەڭىلدەتىلگەن ۆيزا تارتىبىمەن بارىپ كەلۋى ءۇشىن بەلسەندى جۇمىس ىستەيدى دەپ ۇمىتتەنەمىن", - دەدى دەپۋتات.

“The Qazaq Times”