Photo: Sputnik Kazakhstan

2017 jılı qazaqstandıq joğarı oqu orındarı 82,8 mıñnan asa mamandı dayındap şığarğan. Bwl ötken jılğı körsetkişpen salıstırğanda 5,1%-ğa az.

Finprom.kz saraptama agenttiginiñ mälimetinşe, kündizgi bölimde oqığan tülekterdiñ sanı soñğı tört jılğa qarağanda eñ tömengi deñgeyge jetken jäne oqu aqısınıñ qımbattauına baylanıstı kündizgi bölimde oqığısı keletin studentterdiñ sanı uaqıt ötken sayın azayıp baradı. Mısalı biıl JOO-ğa  101,3 mıñ adam tüsken, alayda bwl osıdan bir jıl bwrınğı körsetkişke qarağanda 4,1%-ğa az bolıp otır.

Joğarı oqu orındarı soñğı kezde studentterdi bağalaudı qatañdatu arqılı bilim sapasın baqılaudı küşeytken. Osıdan keyin kündizgi bölimde oqitın tülekterdiñ 83,4 mıñı ğana memlekettik attestaciyadan ötken. Bwl ötken jılğa qarağanda 4,4%-ğa tömen jäne soñğı 5 jıldağı eñ tömengi körsetkiş.  Sonday-aq, memlekettik attestaciyadan ötken barlıq studenttiñ tek 14,2%-ı ğana üzdik diplomğa qol jetkizgen.

Tağı bir ayta ketetin jayt, reseylik JOO-da oqıp jatqan şeteldik studentter arasında qazaqstandıqtardıñ sanı birneşe jıldan beri birinşi orında twr. 2015-2016 jıldarı joğarı bilim alu üşin 73 000 student Reseyge ketken. Al biıl 96 mıñ şeteldik studentten Reseyde bilim alu turalı ötiniş kelgen. Onıñ işinde sanı boyınşa ädettegidey Qazaqstan studentteri köş bastap twr. Sebebi Reseyde basqa elderge qarağanda oqu qwnı arzan körinedi.

“The Qazaq Times”