Türkimenstan studentteri. foto: Orient.tm

Türkimenstan studentteri qısqı demalıs qarsañında jaña şekteuge tap boldı. 25 qañtarda bastalğan uaqıtşa üzilis kezinde şäkirtterdiñ barlığı telefon qoldanbauğa jäne ğalamtor jelilerine kirmeytindigi turalı qol hat jazıp bergen. Bwl turalı türkmenstannıñ «Azatlıq» radiosı habarlap otır.

Osı retti Türkimen eliniñ studentterine mwnıñ aldında tağı bir talap qoyılğandığın eskere ketken jön. Qısqı demalısta öz üylerine attanar şäkirtterdiñ barlığına poyız, wşaq jäne memlekettik avtobustardı ğana paydalanu kerektigi jöninde habarlanğan. Jeke taksi qızmetiniñ kömegine jüginuge tolığımen şekteu qoyılğan bolatın. Al, qayta sabaqqa kelgen studentterdiñ barlığı biletterin dekanatqa körsetip, memleket rwqsat bergen köliktermen jürgendigin däleldeui tiis. Osığan baylanısta Türkimenstandağı demalısqa şıqqan studentter bir qaladan ekinşi qalağa qatınaytın kölikterdiñ biletteriniñ tapşılığın sezinude. Tipti, özge amalın qarastırğan jastar jemqorlıqqa jol berip otırğandıqtarın da mamandar birneşe ret bayqağan.

Negizinen Türkimenstan elindegi studentter qatañ baqılauda wstalıp otır. Sonımen birge, arnayı kiim formaları da basşılıqtıñ qarauında twr. Qımbat äşekey bwyımdar kiip, sändi manikyur jasağısı kelgen student qızdardıñ äreketine de şekteu bar. Bwdan bölek, Joğarğı oqu orınında oqitın şäkirtterge avtokölik jürgizuge de tosqauıl qoyılğan.

Belarussiyanıñ ekonomikalıq universitetiniñ basşılığı mwnday qısıda ösken jastar, şet elderde birden bwzılatındığın da joqqa şığarmaydı. Tipti, işimdikke äues bolıp, qoqıstardı jan-jaqqa laqtırıp, töbeleskenderin de bayqağan.

Türkimenstan biliginiñ studentterge jasağan qısımı qay uaqıtqa deyin jalğasatındığı belgisiz. Ärtürli şekteuler men qatañ talaptar, olardıñ erkin bilim aluı men ayaq alıp jüruine kedergi jasap otırğandığın sarapşılar saralap otır. Sonımen qatar, tolğan şınınıñ bir küni jarılatındığın da mamandar joqqa şığarmaydı. Biraq, aşuğa bulıqqan jastardıñ sol uaqıttağı äreketi şekten şığıp ketpeytindigin de eşkim döp basıp ayta almaydı.

  "The Qazaq Times"