كۇندىزگى بولىمدە وقيتىن ستۋدەنتتەر سانى ازايعان

2017 جىلى قازاقستاندىق جوعارى وقۋ ورىندارى 82,8 مىڭنان اسا ماماندى دايىنداپ شىعارعان. بۇل وتكەن جىلعى كورسەتكىشپەن سالىستىرعاندا 5,1%-عا از.

Finprom.kz ساراپتاما اگەنتتىگىنىڭ مالىمەتىنشە، كۇندىزگى بولىمدە وقىعان تۇلەكتەردىڭ سانى سوڭعى ءتورت جىلعا قاراعاندا ەڭ تومەنگى دەڭگەيگە جەتكەن جانە وقۋ اقىسىنىڭ قىمباتتاۋىنا بايلانىستى كۇندىزگى بولىمدە وقىعىسى كەلەتىن ستۋدەنتتەردىڭ سانى ۋاقىت وتكەن سايىن ازايىپ بارادى. مىسالى بيىل جوو-عا  101,3 مىڭ ادام تۇسكەن، الايدا بۇل وسىدان ءبىر جىل بۇرىنعى كورسەتكىشكە قاراعاندا 4,1%-عا از بولىپ وتىر.

جوعارى وقۋ ورىندارى سوڭعى كەزدە ستۋدەنتتەردى باعالاۋدى قاتاڭداتۋ ارقىلى ءبىلىم ساپاسىن باقىلاۋدى كۇشەيتكەن. وسىدان كەيىن كۇندىزگى بولىمدە وقيتىن تۇلەكتەردىڭ 83,4 مىڭى عانا مەملەكەتتىك اتتەستاتسيادان وتكەن. بۇل وتكەن جىلعا قاراعاندا 4,4%-عا تومەن جانە سوڭعى 5 جىلداعى ەڭ تومەنگى كورسەتكىش.  سونداي-اق، مەملەكەتتىك اتتەستاتسيادان وتكەن بارلىق ستۋدەنتتىڭ تەك 14,2%-ى عانا ۇزدىك ديپلومعا قول جەتكىزگەن.

تاعى ءبىر ايتا كەتەتىن جايت، رەسەيلىك جوو-دا وقىپ جاتقان شەتەلدىك ستۋدەنتتەر اراسىندا قازاقستاندىقتاردىڭ سانى بىرنەشە جىلدان بەرى ءبىرىنشى ورىندا تۇر. 2015-2016 جىلدارى جوعارى ءبىلىم الۋ ءۇشىن 73 000 ستۋدەنت رەسەيگە كەتكەن. ال بيىل 96 مىڭ شەتەلدىك ستۋدەنتتەن رەسەيدە ءبىلىم الۋ تۋرالى وتىنىش كەلگەن. ونىڭ ىشىندە سانى بويىنشا ادەتتەگىدەي قازاقستان ستۋدەنتتەرى كوش باستاپ تۇر. سەبەبى رەسەيدە باسقا ەلدەرگە قاراعاندا وقۋ قۇنى ارزان كورىنەدى.

“The Qazaq Times”