Livanda Wlıbritaniya elşiliginiñ diplomatı öltirildi – dep habarlaydı  OTV telearnası.

Jergilikti policiya qızmetkerleriniñ habarlauınşa, Livandağı Wlıbritaniya elşiliginiñ qızmetkeri Rebekka Daykstıñ denesi Beyrut qalasınan şığatın tas jol jieginen tabılğan. OTV telearnasınıñ mälimetinşe, qasköyler Rebekka Daykstı zorlap, keyinnen twnşıqtırıp öltirgen. Beyruttegi Wlıbritaniya elşiligi atalmış oqiğağa baylanıstı eşqanday resmi mälimdeme jasamağan. Elşilik baspasöz qızmeti BAQ ökilderiniñ joldağan saualına: «Biz Rebekka Daykstıñ ölimine qatıstı Livan biligimen birge jwmıs isteudemiz» - dep qısqa ğana jauap bergen.

Foto: telegraph.co.uk
Rebekka Dayks

Esteriñizge salayıq, osıdan bir jıl bwrın 19 jeltoqsan küni Reseydiñ  Türkiyadağı elşisi Andrey Karlovtı 22 jastağı policiya qızmetkeri Mevlyut Mert Altıntaş suret körmesiniñ aşıluında atıp öltirgen bolatın. Ol öziniñ bwl äreketin «Resey biliginiñ Süriyadağı sayasatına qarsılıq» dep tüsindirgen.

“The Qazaq Times”