Foto: alashainasy.kz

Qıtaydıñ Hunan' provinciasında, H7N9 atalatın qws twmauı virusınıñ adamdarğa jwğıp jatqanı jaylı, Sinhua agenttigi habarlaydı.

Virus  YUeyan qalasınıñ 37 jasar twrğınınan anıqtaldı. Onıñ qazirgi jağdayı öte auır.

Qañtar ayınıñ basınan bastap, osınday jwqpalı aurulardıñ qwrbanı bolıp jatqandardıñ sanı 16-ğa jetti. Onıñ işinde 5 adam bwl dertten ayığa almay, qaytıs bolğan. H7N9 qws twmauınıñ virusı Hunan' qalasınan bölek, Guandun, Guyçjou, Hubey, Henan', Czyansi, Şan'dun, Şanhay, Gonkong jäne Makaoda da anıqtalğan.

Halıqaralıq Densaulıq Saqtau wyımınıñ derekközine süyensek, qws twmauı – qwstardıñ infekciyalı, közge körinetin eşbir belgileri joq (sirek jağdayda, adamdar men januarlarda özin-özi jaysız sezinu, t.b. belgileri payda boladı) jwqpalı aurularınıñ biri.

Jurnalist Samat Mwsanıñ Qws twmauı jaylı jazğan jazbasında bılay delingen: «Qws twmauı» virusınıñ fermalar arasında taraluına adamdar men qwral-jabdıqtar sebepker. Gonkongtegi 1997 jılğı "qws twmauı" pandemiyasın eldegi bükil üy qwstarın joyu arqılı ğana auızdıqtau mümkin bolğan. Qazirgi kezde virus bükil Aziyadağı üy qwstarı arasında tarağandıqtan, onıñ aldın alu men joyu anağwrlım kürdeli.

N5N1 (2006 jıldarı Qazaqstannıñ birneşe qalalarında anıqtalğan qws twmauınıñ türi – red.) virusı aldıñğılarımen salıstır­ğan­da asa mol aumaqtı qamtuı mümkin. “Qws twmauınıñ” taraluına äser etetin faktorlar baqılauğa alınbağandıqtan, virustıñ Aziya arqılı transmissiyası bir mezgilde bolıp otır. Tağı bir nazar audaratın mäsele, “qws twmauı” virusınıñ jıldam evolyuciyalanuı kele-kele, onıñ adamnan adamğa tikeley jwğu ıqtimal­dılığın joğarılatadı. Al mwnday jağday orın alatın bolsa, onıñ aqırı ülken qasiretke aparadı». Bwl 2006 jılı jazılğanımen, äli künge mañızdılığın joğaltpağan taqırıp. Sodan beri 11 jıl ötti. Bwl twmauAziya elderinde  Samat mırzanıñ qauiptengen deñgeyine de jetti. Endi qaytpek kerek?

"The Qazaq Times"