Foto: CBS

N'yu-York qalasında bolğan soñğı terrorlıq aktige qatısı bar degen ayıppen twtqındalğan küdikti, 27 jastağı Bangladeşten kelgen immigrant äleumettik jelide Donal'd Trampqa eskertu jasağanı anıqtaldı. Qauipsizdik qızmetkerleri tapqan jazbada küdikti AQŞ Prezidentine "Sen öz wltıñdı qorğau mindetin orınday almadıñ!" dep jazğan. Bwl turalı VVS aqparattıq agenttigi jazdı. 

Akayed Ulla (Akayed Ullah) Manhetten portındağı avtobus beketinde denesine baylanğan qwrılğı arqılı jarılıs wyımdastırdı degen küdikpen jauapqa tartılıp otır. Oqiğa saldarınan Akayed Ulla men tağı üş adam jaralanğan.

N'yu-York policiya departamenti öziniñ tvitter paraqşasında jankeştige qarudı qılmıstıq maqsatta ielengeni, terrorlıq qauip töndirgeni üşin kinä artılıp otırğanın jazdı. Seysenbi küni keşkisin olardıñ qatarı qoğamdıq orında jarılıs wyımdastıru, jappay qırıp-joyu qaruın qoldanu, şeteldik terrorlıq wyımnıñ materialdı qoldauın paydalanu siyaqtı federaldı ayıptaularmen tolıqtı.

Qauipsizdik qızmetkerleriniñ mälimetinşe, Akayed Ulla (Akayed Ullah) qolğa tüsken kezinde "Men mwnı "Islam memleketi" üşin jasadım" dep mälimdegen. Onıñ bwl äreketine AQŞ äue küşteriniñ "Islam memleketi" lañkestik wyımına jasağan soqqıları türtki bolğan.

Küdiktiniñ policiyamen äñgimesinen onıñ jarılğış zattı qoldan jasaudı osıdan bir jıl bwrın üyrenip, terrorlıq aktini birneşe apta boyı josparlağanı belgili boldı. Onıñ üyinen jarılğış zat qwrastırılğan Rojdestvoğa arnalğan jarıqtar men metall bölşekteri tabıldı. Akayed Ulla (Akayed Ullah) jarılıs qwrbandarınıñ sanın arttıru üşin adam ayağı köp jüretin uaqıt pen orındı ädeyi tañdağanın ayttı.

Bangladeş biligi öz azamatınıñ bwrın-soñdı qılmıstıq jauapkerşilikke tartılmağanın habarladı. Onıñ ağası Assosiated Press agenttigine bergen swhbatında, Akayed Ulla osı jıldıñ qırküyeginde Bangladeşte 6 aptağa juıq uaqıt bolğanın aytqan. Qazir onıñ radikaldı közqarastardıñ ıqpalına  qalay tüskenin anıqtau üşin, onıñ Bangladeşte qalğan äyeli men jaqın tuıstarınan jauap alınıp jatır.

“The Qazaq Times”