Foto: VVS

AQŞ-tıñ N'yu-York qalasında jarılıs boldı – dep habarlaydı VVS aqparat qızmeti.

Jeltoqsan ayınıñ 11-i küni N'yu-York qalasınıñ ortalıq audandarınıñ biri Manhettenda jankeşti jarılğış zattı iske qosqan. Saldarınan birneşe adam jaraqat alıp, jankeştiniñ özi oqiğa ornında qolğa tüsken. Şahar äkimşiligi atalmış oqiğanı terrorlıq akt dep atağan. Policiya qızmetkerleriniñ mälimetinşe, lañkestik şabuıldı 27 jastağı Akayed Ulla esimdi Bangladeş azamatı jasağan. Ol AQŞ-qa osıdan 7 jıl bwrın F43 vizası arqılı kelgen. Atalmış viza Amerika azamattarınıñ şeteldik tuıstarına beriledi. Bangladeş policiyasınıñ bas inspektorı Şahidulla Hoktıñ sözinşe, Akayed Ulla Bengladeşke soñğı ret qırküyek ayında kelgen. Ol bwğan deyin eşqanday kriminaldı toptardıñ qatarında bolmağan.

Foto: VVS

The New York Times basılımınıñ mälimetinşe, jarılıs tañğı sağat 7:30 şamasında Manhetten audanınıñ 42 köşesindegi jer astı ötkelinde bolğan. Akayed Ulla lakestik şabuıl jasau arqılı Süriyada «Islam memleketi» sodırlarına qarısı soğısıp jatqan AQŞ sarbazdarınan kek alğan. Jarılıstan türli dene jaraqattarın alğan onı tärtip saqşıları Bel'v'yu auruhanasına jetkizgen.

Esteriñizge salayıq, qazan ayında N'yu-York qalasınıñ däl osı Manhetten audanında lañkestik şabuıl jasalğan bolatın. Ol kezde 29 jastağı Özbekstan azamatı Sayfullo Saipov jük köligimen segiz adamdı taptap öltirgen bolatın.

“The Qazaq Times”