فوتو: ۆۆس

اقش-تىڭ نيۋ-يورك قالاسىندا جارىلىس بولدى – دەپ حابارلايدى ۆۆس اقپارات قىزمەتى.

جەلتوقسان ايىنىڭ 11-ءى كۇنى نيۋ-يورك قالاسىنىڭ ورتالىق اۋداندارىنىڭ ءبىرى مانحەتتەندا جانكەشتى جارىلعىش زاتتى ىسكە قوسقان. سالدارىنان بىرنەشە ادام جاراقات الىپ، جانكەشتىنىڭ ءوزى وقيعا ورنىندا قولعا تۇسكەن. شاھار اكىمشىلىگى اتالمىش وقيعانى تەررورلىق اكت دەپ اتاعان. پوليتسيا قىزمەتكەرلەرىنىڭ مالىمەتىنشە، لاڭكەستىك شابۋىلدى 27 جاستاعى اكايەد ۋللا ەسىمدى بانگلادەش ازاماتى جاساعان. ول اقش-قا وسىدان 7 جىل بۇرىن F43 ۆيزاسى ارقىلى كەلگەن. اتالمىش ۆيزا امەريكا ازاماتتارىنىڭ شەتەلدىك تۋىستارىنا بەرىلەدى. بانگلادەش پوليتسياسىنىڭ باس ينسپەكتورى شاحيدۋللا حوكتىڭ سوزىنشە، اكايەد ۋللا بەنگلادەشكە سوڭعى رەت قىركۇيەك ايىندا كەلگەن. ول بۇعان دەيىن ەشقانداي كريمينالدى توپتاردىڭ قاتارىندا بولماعان.

فوتو: ۆۆس

The New York Times باسىلىمىنىڭ مالىمەتىنشە، جارىلىس تاڭعى ساعات 7:30 شاماسىندا مانحەتتەن اۋدانىنىڭ 42 كوشەسىندەگى جەر استى وتكەلىندە بولعان. اكايەد ۋللا لاكەستىك شابۋىل جاساۋ ارقىلى ءسۇريادا «يسلام مەملەكەتى» سودىرلارىنا قارىسى سوعىسىپ جاتقان اقش ساربازدارىنان كەك العان. جارىلىستان ءتۇرلى دەنە جاراقاتتارىن العان ونى ءتارتىپ ساقشىلارى بەلۆيۋ اۋرۋحاناسىنا جەتكىزگەن.

ەستەرىڭىزگە سالايىق، قازان ايىندا نيۋ-يورك قالاسىنىڭ ءدال وسى مانحەتتەن اۋدانىندا لاڭكەستىك شابۋىل جاسالعان بولاتىن. ول كەزدە 29 جاستاعى وزبەكستان ازاماتى سايفۋللو سايپوۆ جۇك كولىگىمەن سەگىز ادامدى تاپتاپ ولتىرگەن بولاتىن.

“The Qazaq Times”