Resey prezidenti Vladimir Putin. Foto: AP

Resey prezidenti Vladimir Putin Süriyağa resmi is-saparmen bardı – dep habarlaydı Interfaks aqparat agenttigi.

Bügin jeltoqsan ayınıñ 11-i küni Resey basşısı Vladimir Putin Süriyadağı Hmeymim äskeri bazasına bardı. Ol onda Süriya prezidenti Başar Asad pen RF Qorğanıs ministri Sergey Şoygumen kezdesken. Kezdesu barısında Vladimir Putin: «Soñğı eki jıldan astam uaqıtta Resey qarulı küşteri Süriya äskerimen birge halıqaralıq terrorlıq wyımdardıñ bastı küşterin talqandadı. Osığan baylanıstı men Süriya Arab Respublikasınan Resey äskeri kontingentiniñ bir böligin elge qaytaruğa şeşim qabıldadım. Sizder elge jeñispen oralasızdar. Otanımız sizderdi kütude. Qızmetteriñizge rahmet» - degen.

Esteriñizge salayıq, bwğan deyin 6 jeltoqsan küni Vladimir Putin «Resey äskeri Süriya aumağındağı lañkestik wyımdardı tolıqtay jeñdi» degen bolatın. Biraq AQŞ Resey basşısınıñ bwl mälimdemesin joqqa şığarıp, Süriya aumağında äli künge deyin mıñdağan sodır soğısıp jatqandığın aytqan.

“The Qazaq Times”