رەسەي پرەزيدەنتى ۆلاديمير پۋتين سۇرياعا باردى

رەسەي پرەزيدەنتى ۆلاديمير پۋتين سۇرياعا رەسمي ءىس-ساپارمەن باردى – دەپ حابارلايدى ينتەرفاكس اقپارات اگەنتتىگى.

بۇگىن جەلتوقسان ايىنىڭ 11-ءى كۇنى رەسەي باسشىسى ۆلاديمير پۋتين سۇرياداعى حمەيميم اسكەري بازاسىنا باردى. ول وندا ءسۇريا پرەزيدەنتى باشار اساد پەن رف قورعانىس ءمينيسترى سەرگەي شويگۋمەن كەزدەسكەن. كەزدەسۋ بارىسىندا ۆلاديمير پۋتين: «سوڭعى ەكى جىلدان استام ۋاقىتتا رەسەي قارۋلى كۇشتەرى ءسۇريا اسكەرىمەن بىرگە حالىقارالىق تەررورلىق ۇيىمداردىڭ باستى كۇشتەرىن تالقاندادى. وسىعان بايلانىستى مەن ءسۇريا اراب رەسپۋبليكاسىنان رەسەي اسكەري كونتينگەنتىنىڭ ءبىر بولىگىن ەلگە قايتارۋعا شەشىم قابىلدادىم. سىزدەر ەلگە جەڭىسپەن ورالاسىزدار. وتانىمىز سىزدەردى كۇتۋدە. قىزمەتتەرىڭىزگە راحمەت» - دەگەن.

ەستەرىڭىزگە سالايىق، بۇعان دەيىن 6 جەلتوقسان كۇنى ۆلاديمير پۋتين «رەسەي اسكەرى ءسۇريا اۋماعىنداعى لاڭكەستىك ۇيىمداردى تولىقتاي جەڭدى» دەگەن بولاتىن. بىراق اقش رەسەي باسشىسىنىڭ بۇل مالىمدەمەسىن جوققا شىعارىپ، ءسۇريا اۋماعىندا ءالى كۇنگە دەيىن مىڭداعان سودىر سوعىسىپ جاتقاندىعىن ايتقان.

“The Qazaq Times”