Almatı qalasında "Türkitildes jurnalister qorı" Qoğamdıq qorı jäne "Halıq bank" AQ men "Qazkommercbank" AQ demeuşiligimen ötken jurnalister arasındağı "Erkin söz" şığarmaşılıq bayqauı ayaqtaldı.

9 jeltoqsan küni qorıtındılanğan şığarmaşılıq bayqauğa gazet, telearna, sayt jäne radio jurnalisteri  qarjı taqırıbına jazılğan materialdarın joldap, özderiniñ bağın sınadı. Bayqau qorıtındısı boyınşa "Üzdik telesyujet" nominaciyasın "Astana" telearnasınıñ jurnalisi Erkin Qarin, "Üzdik maqala" nominaciyasın "Ayqın" gazetiniñ jurnalisi Abay Aymağambet, "Üzdik sayt maqalası" atalımın "Twraninform" saytınıñ jurnalisi Qwrmanğali Nwrğaliev,  "Üzdik şığarmaşılıq top" nominaciyasın "Qazaqstan" wlttıq telearnasındağı "Parasat maydanı" bağdarlamasınıñ şığarmaşılıq tobı jeñip aldı.

"Üzdik sayt maqalası" atalımın jeñip alğan "Twraninform" saytınıñ jurnalisi Qwrmanğali Nwrğaliev jäne "Zañ" gazeti bas redaktorınıñ orınbasarı Aynwr Sembaeva. Foto: Maqsat Qwsayınov.

Marapattau keşinde  YUNESKO wyımınıñ Qazaqstandağı ökili Sergey Karpov, BWW-nıñ twraqtı ökili Vlastimil Samek, "Jas Örken" JŞS-nıñ bas direktorı Jüsipbek Qorğasbek, "Halıq bank" AQ PR menedjeri Dosbol Arıstanbekov pen "Qazkommercbank" AQ PR menedjeri Meruert Berdibaeva jäne "Zañ" gazeti bas redaktorınıñ orınbasarı Aynwr Sembaeva jeñimpaz jurnalisterge jülde tapsırdı.

Bayqauğa ädilqazı bolğan sayasatker-jurnalist Ämirjan Qosanov jeñimpazdardı marapattau kezinde "Erkin söz" bayqauına qazaq jurnalisteri kelesi jılı bwdan da  belsendirek qatıssa eken degen tilegin bildirdi.

"İsker media" redaktorı Äsiya Aqışeva men sayasatker-jurnalist Ämirjan Qosanov. Foto: Maqsat Qwsayınov.

Sonday-aq, bayqauğa qazılıq etken "İsker Media" redaktorı Äsiya Aqışeva qarjı salasın jazuda telarna jurnalisteriniñ ozıq ekenin, bayqauğa qatısuşılar arasında belsendi bolğanın jäne sayt jurnalisterine qoyar talabın da atap ötti.

"Sayt jurnalisterine aytarım, özderiñiz jazıp otırğan argumenttiñ jüyeli boluına män berseñizder. Qazirgi jurnalistika salasında qoldanılıp jürgen mul'timedialıq önimderdi, infografikanı qoldana bilseñizder nwr üstine nwr bolar edi", - dedi Äsiya Aqışeva.

"Türkitildes jurnalister qorı" Qoğamdıq qorınıñ prezidenti Näziya Joyamergen. Foto: Maqsat Qwsayınov.

Al osı bayqaudı wyımdastırıp, bası-qasında jürgen "Türkitildes jurnalister qorı" Qoğamdıq qorınıñ prezidenti Näziya Joyamergen bwl bayqauğa dayındıq jwmıstarı osıdan 7 ay bwrın bastalğanın jäne aldağı uaqıtta da wyımdastırıla beretinin atap ötti.

Ayta keteyik, "Erkin söz" şığarmaşılıq bayqauı qazan ayında bastalğan. Bayqaudıñ maqsatı - qazaq jurnalisteriniñ käsibi biliktiligin köteru jäne jas jurnalisterdi ıntalandıru.

“The Qazaq Times”