Foto: Allure.ru

Qırğız prezidenti Almazbek Atambaev "Äkimşilik jauapkerşilik turalı kodekske tüzetuler engizu" turalı zañğa qol qoydı. Qwjat qoğamdıq orındarda işimdik işken, bılapıt söz qoldanğandardı äkimşilik jazağa tartudı qarastıradı. Bwl turalı prezidenttiñ baspasöz qızmetine silteme jasap, "Ortalıq Aziya habar qızmeti" habarladı.

Resmi aqparat boyınşa, zañnıñ maqsatı - qoğamda adamgerşilik pen jastar tärbiesin arttıru, qoğamdıq orındarda spirttik işimdikter men esirtki zattarın paydalanuğa jol bermeu.

Habarlarğa qarağanda, qoğamdıq tärtipti bwzğandar 1 mıñnan 3 mıñ somğa deyin ayıppwl töleydi. Jauapqa tartılğan azamattar ayıppwldı töley almasa, olardı segiz sağattıq qoğamdıq jwmısqa saladı nemese bes täulikke qamaydı.

Zañ jobasında alkogol'dik önimder nemese esirtki zattarın kämelet jasqa tolmağandardıñ qoldanu mäselesine köñil bölingen. Mwnday zañ bwzuşılıqtar üşin jasöspirimderdiñ ata-analarına 2 mıñnan 3 mıñ somğa deyin ayıppwl salınadı.

Zañda qoğamğa jat qılıq jasağan jasöspirimderge jaza qataytılğan. Mwnday bwzaqılıq üşin 5-10 mıñ som ayıppwl salınadı.

"The Qazaq Times"