قىرعىز پرەزيدەنتى المازبەك اتامباەۆ "ءاكىمشىلىك جاۋاپكەرشىلىك تۋرالى كودەكسكە تءۇزەتۋلەر ەنگىزۋ" تۋرالى زاڭعا قول قويدى. قۇجات قوعامدىق ورىنداردا ىشىمدىك ىشكەن، بىلاپىت سءوز قولدانعانداردى ءاكىمشىلىك جازاعا تارتۋدى قاراستىرادى. بۇل تۋرالى پرەزيدەنتتىڭ باسپاسءوز قىزمەتىنە سىلتەمە جاساپ، "ورتالىق ازيا حابار قىزمەتى" حابارلادى.
رەسمي اقپارات بويىنشا، زاڭنىڭ ماقساتى - قوعامدا ادامگەرشىلىك پەن جاستار تاربيەسىن ارتتىرۋ، قوعامدىق ورىنداردا سپيرتتىك ىشىمدىكتەر مەن ەسىرتكى زاتتارىن پايدالانۋعا جول بەرمەۋ.
حابارلارعا قاراعاندا، قوعامدىق ءتارتىپتى بۇزعاندار 1 مىڭنان 3 مىڭ سومعا دەيىن ايىپپۇل تولەيدى. جاۋاپقا تارتىلعان ازاماتتار ايىپپۇلدى تولەي الماسا، ولاردى سەگىز ساعاتتىق قوعامدىق جۇمىسقا سالادى نەمەسە بەس تاۋلىككە قامايدى.
زاڭ جوباسىندا الكوگولدىك ونىمدەر نەمەسە ەسىرتكى زاتتارىن كامەلەت جاسقا تولماعانداردىڭ قولدانۋ ماسەلەسىنە كوڭىل بولىنگەن. مۇنداي زاڭ بۇزۋشىلىقتار ءۇشىن جاسوسپىرىمدەردىڭ اتا-انالارىنا 2 مىڭنان 3 مىڭ سومعا دەيىن ايىپپۇل سالىنادى.
زاڭدا قوعامعا جات قىلىق جاساعان جاسوسپىرىمدەرگە جازا قاتايتىلعان. مۇنداي بۇزاقىلىق ءۇشىن 5-10 مىڭ سوم ايىپپۇل سالىنادى.
"The Qazaq Times"
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى