Foto: LETA

Niderlandı policiyası Gaagadağı Horvatiyanıñ bwrınğı generalı Slobodan Pral'yakqa tağılğan ayıptardı qayta qarastıru boyınşa appelyaciyalıq sot otırısı ötip jatqan zaldı "qılmıs ornı" dep jariyaladı. Öytkeni  72 jastağı ayıptaluşı öziniñ osığan deyin jariyalanğan ükimi özgerissiz qalatının estigen kezde, özimen birge alıp kelgen kişkene qwtıdan u işip, köp wzamay auruhanada jan tapsırdı. Bwl turalı VVS aqparattıq agenttigi jazdı. 

Slobodan Pral'yak YUgoslaviyaıñ bölinisinen keyin qwrılıp, 1995 jılğa deyin qızmet atqarğan Horvatiyanıñ Qauipsizdik keñesine müşe bolğan. Ol Horvatiyanıñ qarulı küşteriniñ qatarında Bosniya men Gercegovinadağı serbter, horvattar men mwsılmandar arasındağı äskeri operaciyalarğa qatısqan.

Bwrınğı general horvatiyalıq äsker orındağan etnikalıq qılmıstar men mwsılmandarğa körsetilgen zorlıq faktilerin toqtatuğa äreket jasamağanı üşin ayıptalğan. Barlıq jospar men äskeri operaciyalar dıñ retinen habardar bola twra, jergilikti halıqtı qorğauğa äreket etpegeni üşin 20 jılğa bas bostandığınan ayıru turalı jazağa kesilgen Pral'yaktıñ qorğauşısı sot şeşimin appelyaciyağa bergen edi. Appelyaciyalıq sot otırısınıñ qorıtındısı boyınşa oğan tağılğan birqatar ayıptar alınıp tastalğanımen, ükim özgerissiz qaldı.

Slobodan Pral'yak sot şeşimin estigen kezde: "Pral'yak qılmısker emes. Men sizdiñ şeşimiñizdi qabıldamaymın!" dep, belgisiz qwtıdağı swyıqtıqtı işken. Artınşa öziniñ u qabıldağanın aytqan ayıptaluşını sot zalınan jedel järdem jaqın mañdağı auruhanağa alıp ketti. Slobodan Pral'yak köp wzamay sol jerde köz jwmdı. Qazirşe onıñ bwl äreketke nege barğanı, sot zalına u saqtalğan qwtını qalay alıp kirgeni belgisiz.

“The Qazaq Times”