Horvatiya prezidenti Milanoviç soğıs bolğan jağdayda NATO-dağı äskerlerin keri şaqıratının jetkizdi. Foto: Anadolı aqparattıq agenttigi

Resey men Ukraina arasında soğıs qauipi talqılanıp jatqan twsta Horvatiya prezidenti NATO-ğa äsker bermeytinin mälimdedi. Ol tipti NATO-da Urainağa orın joq dep mälimdedi.

«Ukraina men Resey arasında soğıs bolğan jağdayda Horvatiyanıñ röli qanday boladı?» degen jurnalis saualına prezident Zoran Milanoviç: «Kimniñ ziyan şegetini anıq, sondıqtan Horvatiya men onıñ armiyası bwnday soğısqa qatıspaydı», – dep jauap bergen.

Ol bwğan qosa: «Men horvat armiyasınıñ bas qolbasşısımen. Resey men Ukraina arasındağı qaqtığıs asqınğan jağdayda, horvat armiyasınıñ barlıq jasağın keri şaqıramız. Aymaqta horvat äskerleriniñ boluın qalamaymın», – degen.

Atalğan mälimdemesinde Horvatiya prezidenti Milanoviç Ukrainanı damuı twralağan el jäne NATO-jan orın joq degen pikirin de aytqan.

The Qazaq Times