Körneki suret 1obl.ru saytınan alındı.

Almatı qalasında QR QK-niñ 256-babınıñ 1-böliginde qarastırılğan (terrorizmdi nasihattau nemese terrorizm aktisin jasauğa jariya türde şaqıru) qılmıs belgileri boyınşa sotqa deyingi tergeudiñ birıñğay reestrine tirkelgen qılmıstıq is ayasında bir top adam wstaldı, dep habarlaydı Almatı qalasınıñ İİD baspasöz qızmeti.

Mälimetterge sensek, A.Jwmağwlov, O.Omırov jäne K.Äbişevterge qatıstı qamauğa alu türindegi bwltartpau şarası turalı şeşim qabıldandı.

Tergeu boljamı boyınşa, atalğan twlğalar tirkelmegen qoğamdıq wyım atauın jamılıp, Almatıda qoğamdıq tärtipti bwzuğa, halıqtı üreylendiruge, sonday-aq qwqıq qorğau organdarınıñ  jwmısına iritki saluğa bağıttalğan akciya äzirlegen.

Özderiniñ qılmıstıq josparların iske asıru üşin küdiktiler ügit-nasihat materialdarın dayındap, «qarulı jihad» qwruğa şaqırğan beyneündeu jazğan.

Öziniñ anonimdi beynehabarlamasında betperde kigen azamattar, Qazaqstanda tıyım salınğan «Hizb-ut-Tahrir» dini-ekstremistik partiyasınıñ simvolikası men qarulardı qolğa alğan küyi jappay qwqıqqa qarsı is-äreketter jasauğa şaqırğan.

Bwdan basqa, küdiktiler özine sıbaylastar jinap, öz is-äreketteriniñ jazasızdığın qamtamasız etu üşin anonimdi qoñıraular şalıp, memlekettik jäne qwqıq qorğau organdarınıñ qızmetkerlerine jäne olardıñ otbası müşelerine zäbir körsetu turalı qoqan-loqqı körsetilgen beynerolikter jiberip, akciyalar ötkizudi josparlağan.

Tergeu boljamdarınıñ biri boyınşa, atalmış top qazaqstandıq sot töreliginen şetelde jasırınıp jürgen qılmıstıq elementterdiñ nwsqauı boyınşa äreket etip otırğan

Qazirgi tañda Jwmağwlov, Omırov jäne Äbişev Almatı qalasınıñ İİD tergeu izolyatorına qamaldı. Sotqa deyingi tergeu ayasında qılmıstıq toptıñ basqa da qatısuşılarına qatıstı bwltartpau şarasın tañdau turalı mäseleler şeşilude. İstiñ män-jayın anıqtauğa arnalğan tergeu amaldarı jürgizilude.

“The Qazaq Times”