Bir jıl işinde qoy etiniñ bölşek bağası 14%-ğa ösken jäne qazan ayında 1362 teñgeni qwradı. Al siır etiniñ kilogramı ortaşa eseppen 1195,5 teñgege bağalanğan.  2017 jıldıñ 2 toqsanında et önimderin satıp aluğa jalpı şığındardıñ 14,2%-ı jwmsalğan nemese 65 300 teñgeni qwrağan.

Degenmen qazaqstandıqtardıñ et jäne et önimderin twtınu 2017 jıldıñ ekinşi toqsanında halıqtıñ jan basına şaqqanda 1,6%-ğa qısqarıp, 17,5 kg bolğan.

Äsirese halıq qoy etin satıp aludı azaytqan. Ettiñ bwl türin twtınu 10,9%-ğa qısqağan jäne 2017 jıldıñ 2 toqsanında jan basına şaqqandağı kölemi bar bolğanı 1,6 kilogramdı qwradı.

Al eñ arzan qoy eti qay qalada satılatınına keler bolsaq, eñ tömengi bağa Oral qalasında - kilogramı 1100 teñge. Bir jıldağı ösim 7,8%-dı (80 teñge) qwradı. Ekinşi orında Aqtöbe - 1141 teñge, jıl basınan beri bağa 11,1%-ğa ösken (114 teñge). Öskemende 1 kilogram qoy etin  1156 teñgege satıp aluğa boladı. Bwl qalada bağa 14,3%-ğa ösken (145 teñge).

Eñ joğarğı bağa Astanada -1722 teñge, Almatıda – 1656 teñge, Aqtauda – 1448 teñge. Qoy eti eñ köp qımbattağan öñirler: Almatı (324 teñgege qımbat), Şımkent (269 teñge)  Astana (235 teñge).

Ayta keteyik, soñğı kezderi qazaqstandıqtardıñ tauarlardı twtınu qabileti aytarlıqtay tömendegen. Al bwl eldegi ekonomikalıq ahualdıñ tömen ekenin jäne inflyaciya deñgeyiniñ joğarı ekenin körsetedi.