ءبىر جىل ىشىندە قوي ەتىنىڭ بولشەك باعاسى 14%-عا وسكەن جانە قازان ايىندا 1362 تەڭگەنى قۇرادى. ال سيىر ەتىنىڭ كيلوگرامى ورتاشا ەسەپپەن 1195,5 تەڭگەگە باعالانعان.  2017 جىلدىڭ 2 توقسانىندا ەت ونىمدەرىن ساتىپ الۋعا جالپى شىعىنداردىڭ 14,2%-ى جۇمسالعان نەمەسە 65 300 تەڭگەنى قۇراعان.

دەگەنمەن قازاقستاندىقتاردىڭ ەت جانە ەت ونىمدەرىن تۇتىنۋ 2017 جىلدىڭ ەكىنشى توقسانىندا حالىقتىڭ جان باسىنا شاققاندا 1,6%-عا قىسقارىپ، 17,5 كگ بولعان.

اسىرەسە حالىق قوي ەتىن ساتىپ الۋدى ازايتقان. ەتتىڭ بۇل ءتۇرىن تۇتىنۋ 10,9%-عا قىسقاعان جانە 2017 جىلدىڭ 2 توقسانىندا جان باسىنا شاققانداعى كولەمى بار بولعانى 1,6 كيلوگرامدى قۇرادى.

ال ەڭ ارزان قوي ەتى قاي قالادا ساتىلاتىنىنا كەلەر بولساق، ەڭ تومەنگى باعا ورال قالاسىندا - كيلوگرامى 1100 تەڭگە. ءبىر جىلداعى ءوسىم 7,8%-دى (80 تەڭگە) قۇرادى. ەكىنشى ورىندا اقتوبە - 1141 تەڭگە، جىل باسىنان بەرى باعا 11,1%-عا وسكەن (114 تەڭگە). وسكەمەندە 1 كيلوگرام قوي ەتىن  1156 تەڭگەگە ساتىپ الۋعا بولادى. بۇل قالادا باعا 14,3%-عا وسكەن (145 تەڭگە).

ەڭ جوعارعى باعا استانادا -1722 تەڭگە، الماتىدا – 1656 تەڭگە، اقتاۋدا – 1448 تەڭگە. قوي ەتى ەڭ كوپ قىمباتتاعان وڭىرلەر: الماتى (324 تەڭگەگە قىمبات), شىمكەنت (269 تەڭگە)  استانا (235 تەڭگە).

ايتا كەتەيىك، سوڭعى كەزدەرى قازاقستاندىقتاردىڭ تاۋارلاردى تۇتىنۋ قابىلەتى ايتارلىقتاي تومەندەگەن. ال بۇل ەلدەگى ەكونوميكالىق احۋالدىڭ تومەن ەكەنىن جانە ينفلياتسيا دەڭگەيىنىڭ جوعارى ەكەنىن كورسەتەدى.