Almatı äkimi Gonkongqa jwmıs saparı barısında öñirdiñ memlekettik jäne isker ortasımen birqatar ekijaqtı kezdesuler ötkizdi, sonımen qatar Gonkong äkimşiliginiñ basşısı Kerri Lammen jüzdesti, dep habarlaydı Almatı qalası äkimdiginiñ baspasöz qızmeti. 

Kezdesude  Kerri Lam  Almatı ekonomikası Gonkongtağıday türli servisten,saudadan, qarjı qızmeti men logistikadan qwralatındığın, sonıñ arqasında twraqtılıq qamtamasız etilip, qala investiciya tartu üşin  tartımdı bolatındığın atap ötti.

Almatı äkimi Bauırjan Baybektiñ kezdesu kezinde aytqan mälimetterine qarağanda «Doing Business» reytinginde Gonkong  4  orında twrsa, älemniñ 190 eliniñ işinen Almatı  36-ınşı orında.

«Bir tereze» qağidası boyınşa biz Almatığa kelgen investorlarğa jobaların jüzege asıru  üşin barlıq kömekti körsetemiz. Ortalıq Aziyanıñ 65 milliondıq, Euraziyalıq ekonomikalıq odaqtıñ 180 million adamı bar narığı  qızıqtıratını sözsiz. Eger käsiporın Almatıda ornalassa bwlar qojetimdi  boladı», - dep atap ötti  Bauırjan Baybek.

Jwmıs saparınıñ qorıtındısı boyınşa keler jılı Almatıda Gonkongtiñ saudasın damıtu jönindegi Keñes ökildigin aşu turalı kelisimge qol jetkizildi. Bwldan özge, Gonkong pen Almatıda sauda, investiciya, innovaciya jäne ŞOB boyınşa  ıntımaqtastıqtı  nğıaytu üşin  «Almatı» äleumettik käsipkerlik korporaciyası men Gonkongtiñ saudanı damıtu Keñesi arasında qajetti memorandumğa qol qoyıldı.

“The Qazaq Times”