Photo: ru.sputnik.kg

Qırğızstannıñ su jaña prezidenti Sooronbay Jeenbekov Almazbek Atambaevqa «Qırğız Respublikasınıñ Batırı» atağın berdi.

Qırğızstan prezident äkimşiligi taratqan mälimet boyınşa, bügin Sooronbay Jeenbekov Almazbek Atambaevqa el täuelsizdigin nığaytu men halıq birligin küşeytuge qosqan ülesi üşin «Qırğız Respublikasınıñ Batırı» atağın beruge baylanıstı qwjatqa qol qoyğan. Bwğan deyin 24 qaraşa küni Jeenbekov inauguraciya räsiminde Atambaevqa memlekettik orden beruge uäde bergen.

Esteriñizge salayıq, bwğan deyin "Almazbek Atambaev bilikten ketse de, onıñ qwqıqtarı özge qırğızstandıqtardan qarağanda erekşe qorğalatın boladı" degen aqparat tarağan bolatın. Qırğızstannıñ özgertilgen Konstituciyası boyınşa, Atambaev pen onıñ otbası erekşe qorğalğan. Onıñ üstinen qanday da bir qılmıstıq is qozğauğa, tergeuge, üyinde tintu jürgizuge zañ boyınşa tıyım salınğan. Bwdan bölek Atambaev ömiriniñ soñına deyin barlıq şığındarın memlekettiñ esebinen jabatın boladı.

“The Qazaq Times”