جەەنبەكوۆ اتامباەۆقا «قىرعىز رەسپۋبليكاسىنىڭ باتىرى» اتاعىن بەردى

قىرعىزستاننىڭ سۋ جاڭا پرەزيدەنتى سوورونباي جەەنبەكوۆ المازبەك اتامباەۆقا «قىرعىز رەسپۋبليكاسىنىڭ باتىرى» اتاعىن بەردى.

قىرعىزستان پرەزيدەنت اكىمشىلىگى تاراتقان مالىمەت بويىنشا، بۇگىن سوورونباي جەەنبەكوۆ المازبەك اتامباەۆقا ەل تاۋەلسىزدىگىن نىعايتۋ مەن حالىق بىرلىگىن كۇشەيتۋگە قوسقان ۇلەسى ءۇشىن «قىرعىز رەسپۋبليكاسىنىڭ باتىرى» اتاعىن بەرۋگە بايلانىستى قۇجاتقا قول قويعان. بۇعان دەيىن 24 قاراشا كۇنى جەەنبەكوۆ يناۋگۋراتسيا راسىمىندە اتامباەۆقا مەملەكەتتىك وردەن بەرۋگە ۋادە بەرگەن.

ەستەرىڭىزگە سالايىق، بۇعان دەيىن "المازبەك اتامباەۆ بيلىكتەن كەتسە دە، ونىڭ قۇقىقتارى وزگە قىرعىزستاندىقتاردان قاراعاندا ەرەكشە قورعالاتىن بولادى" دەگەن اقپارات تاراعان بولاتىن. قىرعىزستاننىڭ وزگەرتىلگەن كونستيتۋتسياسى بويىنشا، اتامباەۆ پەن ونىڭ وتباسى ەرەكشە قورعالعان. ونىڭ ۇستىنەن قانداي دا ءبىر قىلمىستىق ءىس قوزعاۋعا، تەرگەۋگە، ۇيىندە ءتىنتۋ جۇرگىزۋگە زاڭ بويىنشا تىيىم سالىنعان. بۇدان بولەك اتامباەۆ ءومىرىنىڭ سوڭىنا دەيىن بارلىق شىعىندارىن مەملەكەتتىڭ ەسەبىنەن جاباتىن بولادى.

“The Qazaq Times”