Foto: Radio Azattık

Qırğızstan Respulikasınıñ bwrınğı prezidenti Roza Otunbaeva ne sebepti Sooronbay Jeenbekovtıñ inauguraciyasına qatıspadı?

Qırğızstan prezident äkimşiligi taratqan mälimet boyınşa, Roza Otunbaeva Sooronbay Jeenbekovti wlıqtau räsimine şaqırılmağan. Sol sebepti de ant beru räsiminde bolmağan. Biraq bir qızığı onıñ ne sebepti şaqırılmağanın prezident äkimşiligi tüsindirmegen.

Roza Otunbaevanıñ atalmış saltanattı şarağa ne üşin şaqırtu almağanın är kim, är qalay bağalaydı. Biraq köpşiligi bwnı Otunbaeva men Atambaev arasındağı kelispeuşilikpen baylanıstıradı. Öytkeni bwğan deyin Roza Otunbaeva Qırğızstannıñ täuelsizdik küninde Almazbek Atambaevtıñ el halqı aldında söz söylep twruına qaramastan sahnadan ketip qalğan bolatın.

Esteriñizge salayıq, Sooronbay Jeenbekovtıñ inauguraciyası qaraşa ayınıñ 24-i küni bolğan. Oğan alıs jäne jaqın şetelderdiñ basşıları şaqırılmağan. Wlıqtau räsimine şeteldik qonaqtardan tek Bişkek qalasındağı elşilikterdiñ qızmetkerleri ğana qatısqan.

“The Qazaq Times”